काठमाण्डौं । हामी हाम्रो धार्मिक मान्यता अनुसार नै व्रत बस्दै आएका छौ । व्रत कोही धार्मिक दृष्टिकोणबाट बस्छन् भने कोही शारीरिक दृष्टिकोणले पनि बस्ने गर्छन् ।
जुनसुकै उद्देश्य भाव राखेर व्रत बसे पनि व्रतका धेरै फाइदाहरू रहेका छन् । व्रत बस्नुका फाइदाहरू थाहा पाउनु भयो भने पक्कै पनि तपाई भोलीबाटै ब्रत बस्न थाल्नु हुन्छ ।
व्रत बसेको समयमा केही पनि नखाने भन्ने हुन्न तर के खाने भन्ने कुराको ज्ञान भने लिन जरुरी छ । यस्तो बेलामा झोल कुरा पिउनु राम्रो मानिन्छ । यदि व्रत सकिएपछि तपाईँहरू केही खानेकुरा खानुहुन्छ भने त्यस्तो खानेकुरा पौष्टिकताले भरिपूर्ण भएको हुनुपर्छ ।
व्रत तोडेको लगत्तै चिल्लो खानेकुरा खानु स्वास्थ्यकोलागि हानिकारक सिद्व हुन्छ । यदी तपाले चिल्लो खानु भयो भने तपाईँको तौल बढाउन थप मद्दत गर्छ ।
ब्रत बस्दाका फाइदाहरु
१) व्रत बस्नाले शरीर भित्र रहेको विषाक्त पदार्थहरू बाहिर निकाल्न मद्दत गर्छ भने यसले हाम्रो पाचन क्रियालाई समेत बलियो बनाउँछ ।
२) व्रत बस्दा हाम्रो शरीरमा भएको बोसो पग्लिने क्रम बढ्छ । जसको कारण शरीरबाट बोसोमा मात्रा घट्दै जान्छ ।
३) व्रत बस्दा हामी कम क्यालोरीमै काम गरिरहेका हुन्छौ । यस्तो बेलामा हाम्रो शरीरमा ‘फ्याट सेल ल्याप्टिन’ नामक हार्मोन सक्रिय हुन थाल्छ । कम क्यालोरी भएको बेलामा यो हार्मोनले राम्ररी काम गर्न नपाउँदा हाम्रो तौल घट्न मद्दत गरिरहेको हुन्छ ।
४) ब्रत बस्दा शरीर शुद्ध बनाउन मद्दत गर्छ भने पाचन प्रक्रियालाई राम्रो पनि बनाउँछ ।
५) व्रत बस्नेहरुको शरीरले नयाँ रोगसँग लड्ने रोग प्रतिरोधी क्षमताको विकास गर्छ । युनिभर्सिटी अफ साउथ क्यालिफोर्नियाका विशेषज्ञहरूले क्यान्सर रोगीहरूले व्रत बस्दा उनीहरूमा रोगसँग लड्ने क्षमता धेरै बढेको पाइएको थियो । अझ किमो थेरापी दिइरहेका बिमारीहरूलाई व्रत बस्दा झनै फाइदा भएको उनीहरूले पाएका थिए ।
६) व्रत बस्नाले मस्तिष्क स्वस्थ हुनुका साथै डिप्रेसनको समस्यामा समेत कमी आउने गर्छ । त्यसैले व्रत बस्दा मस्तिष्कको धेरै किसिमका समस्याहरू हट्दै जाने गर्छ ।
७) व्रत बसेपछि आफूला२ अरू बेला खाने गरेको खानपिन कतिको गलत रहेछ भन्ने कुराको महसुस समेत हुन्छ ।
८) व्रत बस्दा हाम्रो शरीरको मेटाबोलिकको स्तर ३ देखि १४ प्रतिशतले बढेको पाइयो । यदि व्रत बस्नु हुन्छ भने तपाईँको पाचन क्रिया र क्यालोरी बर्न हुनलाई धेरै समय नलाग्ने हुनसक्छ ।
९) व्रत बस्दा तनावलाई समेत कम गर्न सकिन्छ ।
