काठमाण्डौं । पछिल्लो २४ घण्टामा विश्वभर ६ लाख ३८ हजार ४२७ जनामा कोरोना संक्रमण पुष्टि भएको छ । उक्त अवधिमा सबैभन्दा बढी संक्रमित थपिएका हुन् ।
संक्रमण देखिएका मध्ये अमेरिकामा ९८ हजार ७३४ जना, भारतमा ४१ हजार ४९९जना, ब्राजिलमा ४० हजार ९०४ जना, युकेमा २९ हजार ६२२ जना, फ्रान्समा २४ हजार ३०९ जना र टर्कीमा २२ हजार ८३ जना संक्रमित थपिएका छन् ।
विश्वभर पछिल्लो २४ घण्टामा ९ हजार १९१ जनाको कोरोना संक्रमणका कारण ज्यान गएको छ ।
उक्त अवधिमा सबैभन्दा बढी ब्राजिलमा कोरोना संक्रमणका कारण ज्यान गुमाउनेको संख्या धेरै छ । ब्राजिलमा ८८६ जना, रसियामा ७९४ जना, भारतमा ५९८, जना, अर्जेन्टिनमा ४७३, अमेरिकामा ४१६ जना, कोलम्बियामा ३०६ जना र इरानमा २७० जनाको ज्यान गएको छ ।
त्यस्तै पछिल्लो २४ घण्टामा विश्वभर ३ लाख ८५ हजार ६८० जनाले कोरोना जित्न सफल भएका छन् ।
सबैभन्दा बढी कोरोना संक्रमण जित्ने मुलुक भारत रहेको छ । भारतमा ३७ हजार ३१४ जना, ब्राजिलमा २५ हजार ३८९ जना, अमेरिकामा २३ हजार ५८८ जना, रसियामा २० हजार ४८५ जना, इरानमा १९ हजार २९८ जना र अर्जेन्टिनामा १४ हजार १३३ जना कोरोना संक्रमणमुक्त भएका छन् ।