काठमाण्डौं । आईफोनका केही मोडलको नेपाली बजारमा मूल्य घटेको छ । आईफोनको बिक्रेता ईभो स्टोरले आईफोन ११ तथा आईफोन १२ सिरिजका केही फोनको मूल्य घटाएको हो । जसमा आईफोन ११, आईफोन १२, १२ प्रो र १२ प्रो म्याक्स रहेका छन् ।
अब ६४ जीबी क्षमताको आईफोन ११ मात्र ९२ हजार रुपैयाँमा खरिद गर्न सकिने भएको छ । त्यस्तै १२८ जीबी क्षमताको आईफोन ११ अब ९९ हजार ९९० रुपैयाँमा उपलब्ध भएको छ । यसअघि यी फोनको मूल्य क्रमशः ९९ हजार ९०० र १ लाख ६ हजार ९०० रुपैयाँ रहेको थियो ।
कम्पनीले १ लाख ३३ हजार ९०० रुपैयाँ पर्ने ६४ जीबी क्षमताको आईफोन १२ १ लाख २६ हजार ९०० रुपैयाँमा उपलब्ध गराउने भएको छ । भने, १२८ र २५६ जीबी क्षमताको आईफोन १२ क्रमशः १ लाख ३६ हजार ९०० र १ लाख ५२ हजार ९०० रुपैयाँमा खरिद गर्न सकिने भएको छ ।
आईफोन १२ सिरिज अन्तरगत नै आईफोन १२ प्रोको १२८ जीबी भेरियन्ट अब १ लाख ६३ हजार ३०० रुपैयाँमा उपलब्ध हुनेछ । जसको पुरानो मूल्य १ लाख ६९ हजार ९०० रुपैयाँ रहेको थियो । १ लाख ८६ हजार ९०० रुपैयाँ पर्ने २५६ जी भेरियन्टको आईफोन १२ प्रो अब १ लाख ७९ हजार ९०० रुपैयाँमा उपलब्ध हुनेछ ।
१ लाख ८५ हजार ९०० रुपैयाँ पर्ने आईफोन १२ प्रो म्याक्स १२८ जीबी भेरियन्ट अब १ लाख ७९ हजार ९०० रुपैयाँ खरिद गर्न सकिने भएको छ । २५६ जीबी भेरियन्टको आईफोन १२ प्रो म्याक्स अब १ लाख ९६ हजार ९०० रुपैयाँमा उपलब्ध हुनेछ । जसको पुरानो मूल्य २ लाख २ हजार ९०० रुपैयाँ रहेको थियो ।
यो मूल्य केही समयका लागिमात्रै लागू हुनेछ । खरिदकर्ताले काठमाण्डौं उपत्यकाको दरबार मल, लबिम मल, शेर्पा मल तथा पोखराको मिड–टाउन ग्यालेरिया मलमा रहेको बिक्रेताको आउटलेटबाट खरिद गर्न सक्नेछन् ।
कम्पनीका यी फोन ईएमआईमा समेत खरिद गर्न सकिने छ । ईएमआइको लागि साझेदारी बैंकको क्रेडिट कार्डबाट आवेदन दिएको खण्डमा भुक्तानी बिना नै ईएमआई सुविधामा लिन सकिने कम्पनीले जनाएको छ ।