गोरखा । गोरखा जिल्ला अदालतमा विभिन्न समयमा भएका फैसला बमोजिम विभिन्न ब्यत्तिबाट १४ करोड भन्दा बढी रकम असुल गर्न बाँकी रहेको छ ।
जिल्ला अदालत तथा बिशेष अदालतबाट जरिवाना फैसला भएका ७९२ जना ब्यत्तिहरुबाट १४ करोड ८७ लाख २९ हजार ३६ रुपैयाँ असुल गर्न बाँकी रहेको गोरखा जिल्ला अदालतका तहसिलदार अमृत मिश्रले बताए । ‘विभिन्न समय र विभिन्न ब्यत्तिलाई गोरखा जिल्ला अदालत तथा विशेष अदालतबाट उत्त जरिवाना असुल उपर गर्न बाँकी रहेको छ’ मिश्रले भने ।
उत्त रकम मध्ये साविक देउराली गाउँ बिकास समिति ५ का श्रीकृण्ण अधिकारीबाट मात्रै ९ करोड रुपैयाँ असुल उपर गर्न बाँकी रहेको गोरखा अदालतले जनाएको छ ।
बैंकीङ कसुर मुद्वामा राष्ट्र बैंकको पत्र जाहेरी नेपाल सरकार बादी भएको उत्त मुद्वामा अधिकारीलाई ३ बर्ष कैद र ९ करोड रुपैयाँ जरिवाना भएको देखिन्छ ।
सहयात्री हाउजीङ प्रालि सञ्चालक समेत रहेका अधिकारीको मुद्वा उच्च अदालत पाटनबाट २०७१ साल बैशाख २९ गते भएको फैसला भए तहसिलदार मिश्रले जानकारी दिए ।
त्यस्तै, गरी गोरखा जिल्ला अदालतबाट भएका सजायहरु मध्ये अझै विभिन्न ७९२ जना ब्यत्तिबाट ५९२ बर्ष ४ महिना १ दिन कैद असुल गर्न बाँकी रहेको उनले बताए ।
जिल्ला अदालत गोरखाले उपलब्ध गराएको रेकर्ड अनुसार २०४५ सालमा २० बर्ष, २०४६ सालदेखी २०५५ सालसम्म ८९ बर्ष ८ महिना २६ र २०५५ साल देखी २०६५ साल सम्म ५ बर्ष ४ महिना १३ दिन विभिन्न ब्यत्तिबाट कैद सजय असुल गर्न बाँकी देखिन्छ ।
त्यस्तै, गरी २०६६ साल देखी २०७८ साल सम्म ४२९ बर्ष ५ महिना १ दिन र नयाँ मध्येबाट ४७ बर्ष ९ महिना २१ दिन गरी कुल ५९२ बर्ष ४ महिना १ दिन कैद असुल गर्न बाँकी रहेको गोरखा जिल्ला अदालतले जनाएको छ ।
