गोरखा । गोरखाको बुंकोटमा १५० घर धुरीलाई खानेपानीको फिल्टर बितरण गरिएको छ ।
शहिद लखन गाउँपालिका ७ को समन्वयमा वाइन टु वाटर नेपाल नामक गैर सरकारी संस्थाको सहयोगमा वडा भित्रको १५० घर धुरीलाई फिल्टर बितरण गरिएको वडाध्यक्ष शरण श्रेष्ठले बताए ।
जेष्ठको अन्तिम साता देखी जिल्लामा बर्षा भएको र पानीको मुल दुषित हुदा पिउनेपानीको समस्या भएका कारण पनि वाइन टु वाटर संगको समन्वयमा वडाको सबै गाउँ बस्तीमा पुग्ने गरी बितरण गरिएको वडाध्यक्ष श्रेष्ठले जानकारी दिए ।
फिल्टर बाढी पहिरो पानीको मुहान बिग्रीएर दुषित पानी पिउन बाध्य भएका तथा पहिरो पिडीत र विपन्न परिवारलाई प्रार्थमिकतामा राखेर बितरण गरिएको वडा कार्यालयले जनाएको छ ।
वडा भित्रको सबै टोललाई पर्ने गरी बिरतण गरिएको पनि वडा कार्यालयले जनाएको छ । बर्षाको समयमा खानेपानी दुषीत हुने भएकाले पानी शुद्व पिउन सिकाउनेृ उद्वेश्यले फिल्टर बितरण गरिएको हो ।
अमेरिकी प्राविधिमा आधारीत यो फिल्टरको बजारको मुल्य ७ हजार पर्छ । वाइन टु वाटरले १० लाख ५० हजार खर्चेर सामाग्री बितरण गरिएको वाईन टु वाटर नेपालकी प्रोग्राम असिस्टेण्ट शैली चित्रकार बताइन ।
वडा कार्यालयमा नै बिशेष कार्यक्रम आयोजना गरी पालिकाका अध्यक्ष रमेशबावु थापा मगर, उपाध्यक्ष ईन्दिरा तिवारी, पालिकाका प्रमुख प्रशासकिय अधिकृत जिवनबहादुर आले, वाइन टु वाटरकी राष्ट्रिय कार्यक्रम निर्देशक रोशनी कार्की सापकोटा, वाईन टु वाटर नेपालकी प्रोग्राम असिस्टेण्ट शैली चित्रकार, वास संयोजक यज्ञराज जोशी, बोड डाइरेक्टर राम तिमील्सिना, सामाजिक परिचालक बिरु गुरुङ लगायत वडा सदस्यहरु, वडा सचिव, वडाका कर्मचारीहरु तथा भद्र भलादमी र समाज सेवीहरुको उपस्थिती रहेको थियो ।