काठमाण्डौं । दीर्घायु जीवनका लागि मानिसले रातो खुर्सानीको सेवन गनु अत्यावश्यक रहेको अनुसन्धानले खुलासा गरेको छ । लामो आयु र स्वस्थ्य रहनका लागि पनि रातो खुसार्नी प्रयोग गर्नु सबै भन्दा राम्रो बिकल्प रहेको तथ्य फेला परेको छ ।
खुर्सानी खाएर आयु लामो हुन्छ भन्ने कुरा तपाई हामीलाई पत्यार नलाग्न पनि सक्छ तर अमेरिकाको लर्नर कलेज अफ मेडिसिनमा युनिभर्सीटी अफ भर्मन्टका शोधकर्ताहरुले रातो खुर्सानी खाने मानिसको आयू सामान्यभन्दा १३ प्रतिशत लामो हुने निष्कर्ष निकालेका छन् ।
शोधकर्ताका अनुसार रातो खुर्सानी सेवन गर्ने मानिसको शरीर कोलेस्ट्रोलको मात्रा कम हुने गर्दछ भने यसले हृदयघात हुनबाट जोगाउँछ ।
उनीहरुले राष्ट्रिय स्वास्थ्य तथा पोषण विभागको सहकार्यमा करीब १६ हजार अमेरिकनहरु माझमा २६ वर्ष लगाएर परीक्षण गरेका थिए ।
परीक्षणबाट ४ हजार ९४६ जना चाडै नै ज्यान गुमाए भने ११ हजार मानिसहरु (जसले नियमित खोर्सानी खाँदै आइरहेका थिए) बाँचिरहेका छन् ।
अनुसन्धानमा संलग्न मेडिकल विद्यार्थी मुस्ताफा चोपान र मेडिसिनका प्राध्यापक बेन्जामिन लिट्टेनबर्गले लिएको डाटा संकलनबाट यस्तो तथ्य आएको हो ।
उनीहरुका अनुसार रातो खुर्सानी खानेमा युवा उमेरका व्यक्ति, पुरुष, मेक्सिकन, अमेरिकन नागरिकहरु रहने गरेका छन् ।
त्यसैले आजै देखि नियमीत रुपमा दैनिक एउटा रातो खुर्सानी खाने गनुस । जसले तपाईको लामो आयु र स्वास्थ्य शरिर रहन मद्वत गर्दछ ।
