गोरखा । साङ्ला भन्ने बित्तिकै तपाइहामीलाइ घिन लाग्ने किरा हो । सायदै यसले नसताएको कोही होला ? तर पनि साङ्लाबाट कोही कसैले छुटकारा पाउन सकेको छैन ।
गर्मी बढेसँगै प्रायः भान्सामा साङ्ला सलबलाउन थाल्दछन् । कतिलाई साङ्ग्ला देखी डर समेत लाग्ने गर्दछ । साङ्ग्लाले खाना, कपडा लगायत कोठाका धेरै सामग्रीमा क्षति पुर्याउँछ ।
साङ्ला गर्मीमा एकदमै छिटो फैलन्छ । यसको सन्तान पैदा गर्ने क्षमता समेत उच्च हुन्छ । साथै यसलाई सजिलै मार्न पनि सकिदैन । यसको टाउको छिनाइयो भनेसमेत केही दिनसम्म यो जीवित रहन सक्छ ।
यो प्रायः भान्साको कुनाकाप्चा, खाट, दराज आदिमा लुकेर बस्छ । यसरी लुकेर बस्ने साङ्ला भगाउन केही घरेलु विधि पनि अपनाउनु भयो भने साङ्लाबाट सहजै छुटकारा पाउन सकिन्छ ।
उपायहरु
१. साङ्ला भगाउने पहिलो उपाय हो घरको राम्रो सरसफाई । यसलाई अनुकुल नहुने गरी घरको सरसफाई गरेको खण्डमा यसबाट सहजै छुटकारा पाउन सकिन्छु । सफा र उज्यालो साङ्लालाई अनुकुल हुदैँन ।
२. लसुन, प्याज र मरिचलाई बराबरी मिलाएर धुलो बनाउने । धुलोलाइ राम्रो संग पानीमा घोलेर साङला बस्ने कुना काप्चामा नियमित छर्कने गरेमा साङ्लाको समस्याबाट छुटकारा पाउन सकिन्छ ।
३. अर्को उपाय भनेको सख्खर र बेकिङ सोडालाई बराबर मात्रामा मिलाउने र साङ्लो बस्ने स्थानमा राख्ने । छेवैमा थोरै पानी पनि राखिदिनु होला । साङ्लाले सोडा खाएपछि पानी प्यास लाग्छ र पानी पिउछ । बेकिङ सोडा यसको पेटमा गएपछि यसलाई हानी पु¥याउँछ । जब पानी खान्छ साङ्ला आफै मर्न थाल्छ । यसरी पनि यसबाट छुटकारा पाउन सकिन्छ ।
४. पानीमा डिटर्जेन्ट घोलेर घोल बनाउने । यसकालागि कुनैपनि साबुन प्रयोग गर्न सकिन्छ । बनाएको घोललाई स्प्रेको माध्यामबाट साङ्ला बस्ने ठाँउमा छर्कनु भयो भने पनि तपाईले साङ्लाबाट छुटकारा पाउनु हुन्छ ।
