गोरखा – गोरखाको भीमसेन थापा गाउँपालिका ७ बोर्लाङ र काठमाण्डौंमा रुपा सुनार माथि भएको जातिय बिभेदको बिरुद्धमा संयुक्त दलिय अभियान संर्घष समितिले गोरखाका सहायक प्रमुख जिल्ला अधिकारी मार्फत आज प्रधानमन्त्रीलाई ज्ञापन पत्र बुझाइएको छ ।
सहायक प्रमुख जिल्ला अधिकारी कमलराज भण्डारी मार्फत प्रधानमन्त्री केपी शर्मा ओलीलाई ज्ञापन पत्र पठाइएको हो ।
प्रधानमन्त्री ओलीलाई पठाइएको ज्ञापन पत्रमा संबिधानमा जातिय बिभेदको अन्त्यमा भएपनि व्यवहारमा त्यसको कार्यान्वयन नभएको भन्दै जातिय बिभेद गर्ने माथि कारवाही गर्न माग गरिएको छ ।
ज्ञापन पत्रमा बोर्लाङमा गाईलाई भ्याक्सिन लगाउन पुगेका पशुस्वास्थ्यकर्मी प्रिती गैरे माथि भएको जातिय बिभेद र रुपा सुनार माथि भएको जातिय बिभेदको दोषीलाई कानुनी कारवाही गर्नुपर्ने उल्लेख छ ।
दलित अगुवाहरुले सहायक प्रमुख जिल्ला अधिकारी भण्डारी संग कानुन कार्यान्व्यन गराउने निकायबाट कानुन बमोजिम कारवाही गर्न हिचकिचाउने गरेको गुनासो गरेका छन् ।
दलिय अगुवा हरी गान्धारी, डिलबहादुर सेन्चुरी, सुरेश नेपाली, बाबुराम आक्षामी, आशा उपरकोटी, सुमित्रा मगराती, रबिन गैरे लगायतले यस्तो गुनासो गरेका हुन ।
