गोरखा – ठुला सवारीले बजार क्षेत्रमा पनि प्रेसर हर्न बजाएको गुनासो आउन थाले पछि गोरखाको ट्राफिक प्रहरीले एकै दिनमा ८० थान हर्न जफत गरेका छन् ।
सर्व साधारणको गुनासो संगै बजार क्षेत्रमा ध्वनी प्रदूषण हुन थाले पछि जिल्ला प्रहरी कार्यालय गोरखा र ट्राफिक प्रहरीको टोलीले मंगलबार एकै दिनमा ५० सवारीबाट ८० थान प्रेसर हर्न जफत गरेको हो ।
जिल्ला प्रहरी कार्यालय र ट्राफिक प्रहरीको टोलीले मंगलबार सदरमुकाममा ६० वटा ठुला सवारीको चेक जाँचका क्रममा ५० वटा ट्रक र टिप्परबाट ८० थान प्रेसर हर्न जफत गरेको जिल्ला ट्राफिक प्रहरी कार्यालय गोरखाका प्रमुख मित्रलाल ढकालले बताए । ‘बजार क्षेत्रमा कुद्ने ठुला सवारीले प्रेसर हर्न बजाएको बिषयमा गुनासो गरे लगत्तै हामीले हर्न जफत अभियान सञ्चालन गर्दा पहिलो दिनमा नै ८० थान जफत गर्न सफल भएको’ प्रमुख ढकालले ।
यता प्रेसर हर्न बाट आजित भएका स्वास्थ्यकर्मी तथा समाजसेवी बद्रीबहादुर मास्केले प्रहरीले चलाएको यो अभियान प्रति खुशी ब्यत्त गरे । ‘यो महामारीको बेला सडक संग जोडीएको घरमा बिरामी पनि होला भन्ने हेक्का समेत नराखेर ठुलो आवाजमा हर्न बजाउदा तर्सने गरेको’ भन्दै ‘बजार क्षेत्रमा यस्ता पे्रसर हर्न बजाउनेलाई कारवाही गनुपर्ने’ बताए ।
अभियानलाई अझै केही निरञ्तरता दिने कार्यालयले जनाएको छ । यो अभियानमा कोही कसैलाई पनि छुट नभएको कार्यालयले जनाएको छ । कार्यालयले दिएको जानकारी अनुसार बुधबार र बिहीबार पनि अभियानलाई निरञ्तरता दिन आउने परिणाम हेरी अभियान चलाईने भएको छ ।
तस्बिर श्राेत जिल्ला प्रहरी कार्यालय गाेरखाकाे फेसबुक पेजबाट
