एजेन्सी – विश्वकै धनी बिल गेट्स दम्पत्तीको सम्वन्ध बिच्छेद हुने भएको छ । बिल गेट्सले पत्नी मेलिन्डा संगको २७ वर्षे सम्वन्ध अन्त्य गर्ने घोषणा गरेका हुन् ।
माइक्रोसफ्ट कम्पनीका मालिक गेट्सले अब आफूहरु अघि बढ्न नसक्ने भन्दै ट्विटरमा यस्तो घोषणा गरेका हुन् । उनीहरुको पहिलो भेट माइक्रोसफ्टको फर्ममा १९८० मा भएको थियो ।
गेट्स दम्पतीका ३ छोराछोरी छन् । उनीहरुसँगै परोपकारी संगठन, ‘बिल एण्ड मेलिन्डा फाउन्डेसन’ सञ्चालन गर्दै आएका छन् । सो संस्थाले हाल संक्रामक रोगका कारणहरु विरुद्ध लड्न अनि बालबालिकामा खोप लगाउन प्रोत्साहनका निम्ति अरबौँ डलर खर्च गरिरहेको छ ।
त्यस्तै उनीहरुले वारेन बफेटलगायत विश्वका अन्य धनाढ्य वर्गहरुसँग मिलेर आफ्नो अधिकतम सम्पति दान गर्ने प्रतिज्ञा समेत गरेका छन् ।
विश्वका चौथो धनी व्यक्तिका रुपमा परिचित उनको १२४ अर्ब डलर बराबरको सम्पत्ती रहेको छ । सम्बन्ध विच्छेद पछि पनि परोपकारी संस्थाका काममा भने सहकार्य भई रहने जनाएका छन् ।
