गोरखा – गोरखा मनकामना मन्दिरमा १ दिनमा संकलन भएको भेटी स्थानिय ब्लड क्यान्सर पिडित बालकलाई पुजारीले हस्तान्तरण गरेका छन् ।
शहिद लखन गाउँपालिका ३ सिलीङ ग्याजाका ८ बर्षिय बालक दिप्सन गुरुङलाई मन्दिरमा १ दिन संकलन भएको भेटी हस्तान्तरण गरिएको हो ।
कोरोना कहर संगै प्रशासनले मन्दिर बन्द गर्न भनेको दिन अर्थात बिहिबार भत्तजनहरुले मन्दिरको ढोकामा चढाएको २५ हजार ३० रुपैयाँ ब्लड क्यान्सर पिडित बालकका अभिभावकलाई मुल पुजारी ईन्सानबहादुर थापाले हस्तान्तरण गरेका हुन् ।
ब्लड क्यान्सर भएका दिप्सन केही बर्ष देखी उपचाररत छन् । उनको उपचारमा समस्या भएको जानकारी पाएको कारण बिहिबार संकलन भएको भेटी उनका अभिभावकलाई डाकेर बुझाईदिएको पुजारी थापाले बताए ।
दिप्सनको उपचारमा आर्थिक समस्या आए पछि केही समय देखी घरमा नै राखिदै आएको उनका अभिभावकले बताए ।