गोरखा – गोरखा सेवा समाज नेपालले विभिन्न क्षेत्रमा सहयोग हस्तान्तरण गरेको छ । समाजले आज सदरमुकाममा आयोजिक एक कार्यक्रममा सामुदाकि सेवा केन्द्र गोरखा, द ओसन क्लब र समाजका कतार च्याप्टरका १ ब्यक्तिलाई सहयोग उपलब्ध गराएको हो ।
सदरमुकाममा आयोजित कार्यक्रममा समाजका नेपाल अध्यक्ष सुशिलबावु श्रेष्ठ (कैलास)ले सामुदायिक सेवा केन्द्र गोरखालाई १ थान कम्प्यूटर हस्तान्तरण गरेका थिए भने द ओसन क्लबलाई निर्माणाधिन फुटसल मैदान निर्माणकालागी नगद रु २५ हजार प्रदान गरिएको थियो ।
त्यस्तै गरी सोही कार्यक्रममा गोरखा सेवा समाज कतार च्याप्टरका सदस्य गण्डकी गाउँपालिका ढावे बसोबास भई हाल राजधानीमा बस्ने नारायणप्रसाद पन्त नगद रु २५ हजार सहयोग उपलब्ध गराईएको थियो । पन्तले राजधानीमा सञ्चालन गर्दै आएको ब्यवसायमा आगलागी हुनुका साथै तत्कालै बिरामी पर्दा उपचारमा समस्या भए पछि समाजले उनलाई नगद सहयोग उपलब्ध गराएको गोरखा सेवा समाजका सचिव गणेश बानियाँले जानकारी दिए ।
समाजले स्थापना काल देखी नै जिल्ला भित्र स्वास्थ्य र शिक्षामा सहयोग उपलब्ध गराउदै आएको छ । समाजले ०७८ सालमा जिल्ला भित्र रहेको केही स्कुलहरुमा ५० हजारका दरले अक्षयकोष स्थापना गर्ने तयारी गरिरहेको उपाध्यक्ष ईमान जंङ बानियाँले जानकारी दिए ।समाजलाई गोरखा सेवा समाज कतारले प्रदान गरेको २५ लाखबाट प्राप्त ब्याजले जिल्ला भित्र सामाजिक काम गर्दै आएको छ ।
कार्यक्रममा नेपाल पत्रकार महासंघका सल्लाहकार दिपक श्रेष्ठ, उपाध्यक्ष नरेन्द्र ढकाल, सह सचिव गुणराज रोक्का, सामुदायिक सेवा केन्द्र गोरखाका उपाध्यक्ष रामहरी केसी, कोषाध्यक्ष काजीराम श्रेष्ठ, समाजका उपाध्यक्ष ईमान जंङ बानियाँ, सचिव गणेश बानियाँ र कोषाध्यक्ष काजीराम बानियाँको उपस्थिती रहेको थियो ।
