गोरखा – स्थानिय निकायले आफ्नो जनतलाई कसरी सेवा सुविधा दिने भन्ने बिषयमा दैनिक जसो नयाँ र नौला उपायहरु सुझाई रहेका हुनछन् । सर्व साधारणको चाहना पनि स्थायिन सरकारले आफ्ना सबै माग पुरा गरिदियोस भन्ने चाहाना राख्छन् पनि ।
मानिसको चाहना असिमित हुन्छन् । त्यो सबै स्थानिय सरकारले संवोधन गरेर सक्छन् भन्ने पनि होइन । तर केही त्यस्ता उदाहरणीय काम छन् जुन पालिकाले गरेको देख्दा अरुले पनि त्यसको सिको गर्ने गरेको हामीले देखेका छौ ।
त्यस्तै गोरखाको आरुघाट गाउँपालिकाले पनि किसानको बाली नष्ट गर्ने बाँदरलाई धपाउने प्रयोगमा आएको बन्दुक (बाँदरलाई तर्साउन ठुलो आवाजमा पढकने मात्र) बितरण गरेको छ । पछिल्लो समय गाउँगाउँमा चौतारो संरक्षण गरेर चर्चा बटुलेको आरुघाट गाउँपालिकाले यस पटक भने पालिका भित्रका किसानका अन्नबाली नष्ट गर्ने बाँदर धपाउने बन्दुक बितरण गरेको हो ।
पालिकाले हिजो र आज (सोमबार र मंगलबार) गरेर १३३ थान त्यस्तो बन्दुक बिरतण गरेको अध्यक्ष पूर्णबहादुर दाहालले बताए । ‘किसानले लामो समय सम्म परिश्रम गरेर बाली भित्राउने बेला बाँदरले खाईदिने गुनासो धेरै आउन थाले पछि यसले प्रभावकारी काम गर्छ कि भन्ने आशामा १३३ जना किसानलाई त्यस्तो खालको यन्त्र बितरण गरिएको’ अध्यक्ष दाहालले बताए ।
गाउँपालिकाका अनुसार एउटा वडामा कम्तीमा पनि १२ वटा त्यस्ता यन्त्र पुग्ने गरि बितरण गरिएको जनाएको छ । बजार मुल्य २ हजार ४०० रुपैयाँ पर्ने उत्त यन्त्रकालागी प्रत्येक किसानले १ हजार रुपैयाँ ब्यहोरेका छन् ।
किसानलाई उत्त यन्त्र सुरक्षित रुपले प्रयोग गर्ने तरिका र आवश्यक प्रशिक्षण दिएर मात्र हस्तान्तरण गरिएको हो ।
तस्बिर गाउँपालिकाकाे फेसबुक पेज मार्फत
