गोरखा – गोरखा सदरमुकामको पिपलथोकमा रहेको भिमसेन पार्क अबलोकन जानेहरुले अब शुल्क तिनुपर्ने भएको छ ।
गोरखा नगरपालिका ४ पिपलथोकमा रहेको भीमसेन पार्क प्रवेश गर्न चाहनेहरुले आज (बिहिबार)देखि प्रवेश शुल्क तिर्नुपर्ने भएको हो ।
पार्कको संरक्षण तथा सरसफाईका लागि वडा कार्यालयको पहलमा भिमसेन थापा स्मारक पार्क संरक्षण समिति गठन गरि समिति मार्फत प्रवेश शुल्क उठाउन थालिएको वडा कार्यालयले जनाएको छ ।
पार्क प्रवेश गर्नका लागि बिधार्थीहरुले प्रतिव्यक्ति ५ रुपैयाँ र अन्यले १० रुपैयाँ तिर्नुपर्ने गरि शुल्क निर्धारण गरिएको हो । समितिले माघ १ गतेदेखि प्रवेशमा शुल्क उठाउन थालेको समितिका अध्यक्ष राजु थापाले जानकारी दिए ।
समितिले दैनिक बिहान ८ः०० बजेदेखि बेलुकी ५ः०० बजेसम्म पार्क खुल्ने जानकारी गराएको छ ।