गोरखा – ऐतिहासि लिगलिगकोटलाई चिनाउने उद्वेश्यका साथ पहिलो पटक ‘लिगलिगे साइकल दौड’ हुने भएको छ ।
लिगलिगको पर्यटन विकास गर्ने गरी लिगलिग भिलेज स्पोर्टस्ले फागुन ७ गते पहिलो ‘लिगलिगे साइकल दौड’को आयोजना गरेको हो ।
दौडेर राजा बन्ने परम्पराको झल्को दिने गरी साइकल दौडको आयोजना गरिएको लिगलिग भिलेज स्पोर्टस्का अध्यक्ष संजिव रानाले बताए । उत्त दौडले स्थानियको साँस्कृतकि संरक्षण, पर्या पर्यटन तथा साहसिक खेलको विकास हुने अध्यक्ष रानाले जनाए ।
दौडकालागि पालुङटार नगरपालिकाले ५ लाख र नेपाल पर्यटन बोर्डले १० लाख रुपैयाँ सहयोग गरेको लिगलिग भिलेजले जनाएको छ । दौडमा सहभागी हुनकालागि माघ ७ गतेबाट आवेदन खुल्ला गर्ने भएको छ ।
जो कोहीले पनि सहभागीता जनाउन पाउने उत्त दौडकालागि नेपालीकालागि १ हजार ५००, सार्क राष्ट्रकालागि ५ हजार र तेस्रो देशका नागरिककालागि १० हजार रुपैयाँ रजिष्ट्रेशन शुल्क तोकिएको छ । रजिष्ट्रेशनकालागि लिगलिगे साइकल दौडको फेसबुक पेजमा गएर पनि अनलाइन फर्म भर्न सकिने ब्यवस्था आयोजकले गरेको छ ।
आयोजकले दौडमा सहभागीहरुलाई ३ चरणको पुरस्कारको ब्यवस्था गरेको छ । जस अन्तरर्गत पालुङटार नगरपालिका भित्रका, गण्डकी प्रदेशको र समग्र सबैलाई समेटने गरी पुरस्कारको ब्यवस्था गरिएको छ ।
पालुङटार नगरपालिका भित्रका साइकल दौडका ३ जनाले १ हजार देखी ३ हजार सम्म, गण्डकी प्रदेशका दौडमा सहभागीहरुलाई २ हजार ५०० देखी ५ हजार सम्म र अन्यकोलागि १ हजार ५०० देखी २५ हजार सम्म पुरस्कार रासी राखिएको छ ।
दौडमा १६÷१६ जना पुरुष तथा महिलालाई पुरस्कार दिने ब्यवस्था मिलाईएको आयोजक संस्थाले जनाएको छ ।
