गोरखा – गोरखा नगरपालिकाले ‘मेची–महाकाली यात्रा’को टोलीलाई सदरमुकाममा स्वागत तथा अभिनन्दन गरेको छ ।
नगरपालिकाले एक कार्यक्रमको आयोजना गरी मानव सेवा आश्रमद्वारा सहयोगापेक्षी सडक आश्रित मावनहरुको राष्ट्रिय उद्वार टोलीलाई स्वागत तथा अभिनन्दन गरेको हो ।
कार्यक्रममा मानव सेवा आश्रमका अध्यक्ष रामजी अधिकारीले यात्राका क्रममा सडकमा रहेका बेसहारा, अशत्त, असहाय, अनाथ र अभिभावकविहिनहरुलाई उद्वार गरी आश्रममा राखिएको बताए ।सडकमा आश्रितहरुको लागि पुष र माघ महिना सारै कष्टकर हुने भन्दै मानवता प्रवद्र्वनका साथै तिनै तहका सरकारलाई जिम्मेवार बनाउन पनि यात्राले सहयोग गर्ने अध्यक्ष अधिकारीले विश्वास ब्यक्त गरे ।
पुष ७ गते मेचीको काँकडभिटाबाट सुरु भएको यो अभियान माघ ७ गते महाकालीको महेन्द्र नगर पुगेर टुगिने छ । प्रदेश नम्बर १, २ र ३ को यात्रा सकेर गण्डकी प्रदेश प्रवेश गर्दा गोरखामा उनीहरुलाई नगरपालिकाले स्वागत गरेको हो ।
पुष र माघ महिनामा सडकमा जिवनयापन गर्ने बेसहारा, अशत्त, असहाय, अनाथ र अभिभावकविहिनहरुलाई यात्राका क्रमम उद्वार गरिने छ ।
आश्रमले २०६९ साल ५ हजार भन्दाबढी बेसहारा, अशत्त, असहाय, अनाथ र अभिभावकविहिनहरुलाइ मानिसलाई आश्रमले उद्वार गरिसकेको छ । उद्वार गरिएका मध्ये १५०० भन्दा बढीको पारिवारीक पुनःमिलन गराउन आश्रम सफल भएको छ ।
अहिले पनि आश्रममा १३०० सय भन्दा बढी मानिस आश्रीत रहेको मावन सेवा आश्रमका अध्यक्ष अधिकारीले जानकारी दिए ।
गोरखा नगरपालिकाका मेयर राजनराज पन्तको अध्यक्षतामा भएको कार्यक्रममा मानव सेवा आश्रमका अध्यक्ष रामजी अधिकारीलाई सम्मान तथा अभिनन्दन गरिएको थियो । कार्यक्रममा जिल्ला समन्वय समितिका उप प्रमुख जनुका अधिकारी, प्रमुख जिल्ला अधिकारी तिर्थराज भट्टराई, अभिभावक ईश्वरकाजी मास्के, पत्रकार कैलासबावु श्रेष्ठले शुभकामना ब्यत्त गरेका थिए ।
