गोरखा – लामो समय पछि खुलेको मनकामना मन्दिरमा भत्तजनहरुको भिड बढ्न थालेको छ ।
नोबल कोरोना भाइरस (कोभिड–१९)का कारण बन्द रहेको मन्दिर मंसिर २८ गते देखी खुल्ला गरिएपछि भत्तजनको चहलपहल ह््वात्तै बढेको हो । ‘मन्दिर खुल्ला गरे संग केही दिन यता देवीको दर्शनकालागि आउनेको संख्यामा उल्लेखनीय बृद्वि भएको छ’ भन्छन् स्थानिय ब्यापारी दिनेश जोशी । ‘अहिले सरदर दैनिक १ हजार भन्दा माथी नै भक्तजन देवी दर्शनका लागि आउने गरेको’ जोशीले बताए ।
संक्रमणको डरका कारण भत्तजनका लागि मन्दिर भित्र सिधै प्रवेश भने दिईएको छैन । मन्दिरको पश्चिम र दक्षिण झ्यालबाट पुजा सामाग्री दिने दर्शनका लागि ब्यवस्था मिलाएको मन्दिरका मुल पुजारी ईन्सानबहादुर थापाले बताए । ‘भक्तजनलाई सिधै भित्र जान दिदाँ पुजारीमा संक्रमण हुन सक्ने र अरुलाई पनि सर्न सक्ने भएका कारण बाहिर बाट नै पुजा र दर्शनको ब्यवस्था मिलाईएको’ पुजारी थापाले भने ।
भक्तजन बढे संगै मनकामनाका ब्यापारीहरुको ब्यापार समेत बढेको छ । होटल, रेष्टुरेन्ट र पुजा तथा फोटो पसलहरुमा अहिले भक्तजनहरुको भिड सजिलै देख्न सकिन्छ ।
भक्तजनहरुको बृद्वि संगै दर्शनार्थीहरुलाई सामाजिक दुरी कायम गराउन समस्या भएको मनकामना क्षेत्र बिकास समितिका अध्यक्ष रामकुमार जोशीले बताए । ‘हामीले स्वास्थ्य सुरक्षाका लागि भक्तजनलाई सम्झाउने गरेको छौ’ उनले भने ‘तर पनि भक्तजन कोही मान्दैनन् ।’
मनकामना मन्दिर र मनकामना केबुलकार एकै दिनमा खुल्ला गरीएको हो । मर्मतका लागि बन्द गरीएको केबुलकारबाट १६ दिनमा २१ हजार हाराहारीमा दर्शनार्थीहरुले यात्रा गरेको मनकामना दर्शन प्रालिका प्रबन्ध निर्देशक उज्वल शेरचनले बताए ।
साता दिनकालागि केबुलकार बन्द भएता पनि भक्तजनहरु हिडेर र सवारी साधान प्रयोग गरेर देवीको दर्शनका लागि जानेगरेका छन् ।