गोरखा – नेपाली सेनाले यो बर्ष पनि पृथ्वी जयन्तीको अवशरमा गोरखा–काठमाण्डौं एकिकरण पदयात्रा गर्ने भएको छ ।
तात्कालिन राजा पृथ्वीनारायण शाहले गोरखा राज्य एकिकरणका क्रममा प्रयोग गरेको मार्ग समेटेर यो बर्ष पनि यात्रा एकिकरण पदयात्रा गर्न लागेको हो ।
नेपाली सेनाको आयोजनामा हुन लागेको यो यात्रा अन्रतर्गत तात्कालिन राजा पृथ्वीनारायण शाहले गोरखा राज्य एकिकरण क्रममा प्रयोग गरेको पदमार्गमा सेनाको एउटा टुकडी गोरखा दरर्बार देखी राजधानी सम्म पुग्ने गर्दछ ।
रणसिंह दल गणले पुष २१ गते गोरखा दरर्बारबाट हिडेर गोरखाको बोर्लाङघाट सम्म पुगेर धादिङको देवीदत्त गणलाई झण्डा र टर्च लाइट हस्तान्रतण गर्ने कार्यक्रम रहेको रणसिंह दल गणका गणपती उज्वल केसीले बताए ।
पद यात्राको क्रममा तात्कालिन राजा पृथ्वीनारायण शाहका पालामा स्थापना भएका श्रीनाथ, कालीबक्स, पुरानो गोरख, बर्दबाणी र सबुज गणको झण्डा र टर्च लाइट लिएर हिड्ने छन् । गोरखा–धादिङ–नुवाकोट हुदै काठमाण्डौं पुग्ने यो पदयात्राका क्रममा सम्वन्धीत जिल्लामा कार्यरत गणहरुले आफ्नो जिल्लाको सिमाना सम्म पुगेर अर्को गणलाई झण्डा र टर्च हस्तान्रतण गर्ने छ ।
पुष २७ गते पृथ्वी जयन्तीका अवशरमा राजधानी पुग्ने गरी पदयात्राको कार्यक्रम तय गरीएको नेपाली सेनाले जनाएको छ । पहिलो दिन गोरखा दरर्बार हुदै जोरपोखरी–ताप्ले–अश्राङ–बोर्लाङघाट पुगेर सेनाका जवानहरुले धादिङमा कार्यरत गणका जवानहरुलाई सामाग्री हस्तान्तरण गर्ने कार्यक्रम तय भएको छ ।
पहिलो दिनमा गोरखा दरर्बारबाट ४० जनाको समूहले पदयात्रा गर्ने गणले जनाएको छ । यो पदयात्रा दोस्रो हो । यस अघि २०७६ सालमा पहिलो पदयात्रा गरिएको थियो । पहिलो पदयात्रा ०७६ साल पुष १९ गते सुरु भएर २७ गते राजधानीमा समापन गरिएको थियो ।
यात्राका क्रममा बाटोमा पर्ने गाउँलेहरुले झाँकी सहित सेनालाई स्वागत गर्ने कार्यक्रम समेत तय भएको छ ।
