पोखरा – लायन्स क्लब अफ पोखराले विपन्न तथा जेहन्दार १५ जना विद्यार्थीलाई निःशुल्क कम्प्युटर तालिम दिन सुरु गरेको छ ।
ग्लोबल आइटी एजुकेशन अमरसिंहचोकमा १५ जना बिद्यार्थीहरुलाई तालिमको सुरुवात गरिएको हो ।
तालिमको उद्घाटन गर्दै लायन्स क्लब्स इन्टरनेशनल डिष्ट्रिक्ट ३२५ बि १ नेपालका जोन चियरपर्सन एवं कार्यक्रममा प्रमुख अतिथी सुरेन्द्र पौडेलले विद्यार्थीलाई निशुल्क कम्प्युटर तालिम दिनपाएकोमा खुशी ब्यक्त गर्दै क्लबले उदाहरणीय कार्य गरेको बताए
कोपिला श्रीसको अध्यक्षतामा भएको कार्यक्रममा बोल्दै डिष्ट्रिक्ट चियरपर्सन तथा ग्लोबल आइटीका सञ्चालक विकास भुर्तेलले २१ औं सताब्दीमा कम्प्युटर शिक्षाको धेरै महत्व रहेकाले राम्रोसँग ज्ञान हासिल गर्न विद्यार्थीलाई आग्रह गरे ।
सहभागी १५ जना विद्यार्थीले ३ महिनासम्म कम्प्युटरको डिप्लोमा कोर्श अध्ययर्ने छन् । तालिमका लागि क्लबको १ लाख ३० हजार खर्च हुने अनुमान गरिएको छ ।
हाल बिदेशमा रहेका क्लबका डाइरेक्टर वीरेन्द्र कुमार पुन र सुरेन्द्र थापाको आर्थिक सहयोगमा सहभागीहरुलाई तालिम प्रदान गर्न लागिएको हो ।
कार्यक्रममा क्लबका द्वितीय उपाध्यक्ष उषा हिस्की मगर, क्लबका सचिव, पोखरा महानगरपालिका कार्यकापालिका सदस्य तथा पोखरा २४ का वडा सदस्य सन्तु सुवेदी, क्लबका कोषाध्यक्ष सुशीला रामदाम, क्लबका मेम्बर सोनु श्रेष्ठ लगायतले शुभ कामना ब्यत्त गरेका थिए ।
