काठमाण्डौं – कोरोना संक्रमण संगै बनद भएको पशुपतिनाथ मन्दिर आजदेखि खुला भएको छ ।
०७६ चैत्र ११ गतेदेखि बन्द गरिएको मन्दिर स्वास्थ्य सतर्कता अपनाउदै आज (बुधबार) देखी सर्व साधारणका लागि खुला गरिएको हो ।
मन्दिर खुले संगै सबै दर्शनार्थीहरुले अनिवार्य रुपमा स्वास्थ्य मापदण्ड पालना गर्दै मास्क अनिबार्य गरिएको पशुपती क्षेत्र बिकास कोषले जनाएको छ ।
पहिलो चरणमा दर्शनार्थीहरुलाई पश्चिम ढोकाबाट प्रवेश दिइएको छ । दर्शनार्थीलाई त्यही ढोकाबाट बाहिरिने व्यवस्था कोषले मिलाएको छ । मन्दिर खोले पनि मन्दिरभित्र गरिने पूजापाठ र भजनकीर्तनमा भने रोक लगाईएको छ ।
गुहेश्वरी पनि आजैबाट खुल्ला गरियो
पशुपतिनाथ मन्दिरसँगै विश्वकै प्रसिद्ध शक्तिपीठ गुह्येश्वरी पनि आजदेखि भक्तजनहरुको दर्शनका लागि खुला गरिएको छ । पशुपति क्षेत्रका चन्द्रविनायकलगायत मन्दिर, चैत्य पनि बुधबारदेखि नै भौतिक दूरी कायम गरी स्वास्थ्य सुरक्षाका विधि अपनाएर खुला गरिएका छन् ।
९ महिना सम्म पशुपतिनाथ मन्दिर बन्द गरिँदा कोषलाई करोडौं आयमा घाटा लागेको छ ।
