गोरखा – नेपालको शाह वंशिय उदगम थलो मानिएको गोरखामा आज देखी ऐतिहासिक, पुरातात्वीक तथा धार्मिक तिर्थ स्थल मनकामना र गोरखाकाली मन्दिर सर्व साधारणका लागि खुल्ला गरिएको छ । साथै आजै देखी नेपालकै पहिलो केबुलकार भोली देखी सञ्चालन आएको छ ।
कोरोना संक्रमण फैलन सक्ने भन्दै चैत्र महिना देखी सर्व साधारणका लागि मन्दिर र केबुलकार यात्रामा रोक लगाईएको थियो । बन्द मन्दिर र केबुलकार आज देखी सञ्चालनमा आएको हो ।
जिल्लास्तरीय कोभिड बिपत व्यवस्थापन केन्द्र गोरखाले २५ गते शुक्रबार देखी गोरखाका सबै धार्मिक स्थलको निषेधाज्ञा खुल्ला गरेको पछि आजबाट मनकामना र गोरखाकाली मन्दिर तथा केबुलकार एकै साथ सञ्चालनमा आएको हो ।
गोरखा सदरमुकाममा रहेको गोरखकाली र गोरखनाथ मन्दिर सर्व साधारणका लागि खुल्ला गर्ने सबै तयारी पुरा भएको गोरखा दरर्बार हेरचाह अडले जनाएको छ । मन्दिरमा आउने भक्तजनले सामाजिक दुरी र स्वास्थ्य मापदण्ड पालना गनुपर्ने गरी नियम बनाएर मन्दिर खुल्ला गरिएको अडले जनाएको छ । गोरखाकाली मन्दिर चैत्र १२ गतेदेखी बन्द छ ।
त्यस्तै गरी मनकामना मन्दिरका पुजारी र केबुलकारले पनि आफ्नो तयारी पुरा भएको जनाएको छ । आज बिहानै देखी मन्दिरमा आउने भत्तजनलाई सुरक्षा मापदण्ड र सामाजिक दुरी पालना गरी लाइनमा राखिने र मन्दिरको पुर्व र पश्चिम तर्फको झ्यालबाट पुजा गर्नेगरी ब्यवस्था मिलाईएको मन्दिरका मुल पुजारी ईन्सानबहादुर थापाले बताए ।
पुजारी थापाका अनुसार मन्दिरमा बलि लिएर आउनेका लागि पनि बलि दिने स्थानमा संकल्पनका लागि पुजारीको ब्यवस्था गरिएको छ ।
यता नेपालकै पहिलो मनकामना केबुलकारले पनि यात्रुको सेवाको लागि तयारी पुरा भएको जनाएको छ । चैत्र ८ गते देखी बन्द भएको केबुलकारका सवै प्राविधिक पक्षको जाँच सम्पन्न भएको र यात्रुलाई सामाजिक दुरीका साथै केबुलकार प्रवेश पुर्व नै स्यानिटाइज र सावुनपानीले हात धुने ब्यवस्था मिलाईएको नायव महाप्रवन्धक उज्वल शेरचनले बताए ।
शेरचनका अनुसार यात्रा गर्ने यात्रुको १०० डिग्री फरेनहाइट ज्वरो देखिएमा, रुघाखोकीको लक्ष्यण देखिएमा केबुलकार यात्रामा प्रतिबन्ध लगानुका साथै केही समयका लागि भिडभाड गर्न र केबुलकार परिषर भित्र बनभोज समेत खान प्रतिबन्ध लगाएको छ ।
स्वास्थ्य सुरक्षालाई विशेष ध्यान दिएको केबुलकारले प्रति धण्टा ३३० जना यात्रुलाई मात्र यात्रा गराउन जनाएको छ । कार पुर्ण क्षमतामा सञ्चालनमा आउदा प्रति घण्टा ६६० जनाले यात्रा गर्न सक्छन् ।
