काठमाण्डौं – नेपाली सेफ सन्तोष साह अन्तर्राष्ट्रिय ख्यातिप्राप्त ‘बीबीसी मास्टर सेफ प्रोफेसनल्स २०२०’ प्रतियोगिताको फाइनल राउण्डमा प्रवेश गरेका छन् ।
‘बीबीसी वान’ मा बिहीबार बेलुका प्रसारित सेमिफाइनल राउण्डमा नेवारी परिकार योमरी चखाएर उनी शीर्ष ६ स्थानसहित फाइनल राउण्ड पुगेका हुन् ।
बिहीबार ४ जना प्रतियोगी सेफमध्ये उत्कृष्ट प्रदर्शन गरेका सन्तोष सिधै फाइनल राउण्ड पुगेका हुन् ।
बाँकी ३ जना प्रतियोगीबीच फेरि प्रतिस्पर्धा गराएर थप २ जनालाई फाइनलमा लगिएको छ । फाइनल आउँदो साता १७ डिसेम्बर अर्थात पौष २ गते हुँदै छ ।
प्रतियोगितामा सहभागी कुल ३२ व्यावसायिक सेफमध्ये विभिन्न चरण पार गर्दै सन्तोष उत्कृष्ट ६ मा पुगेका हुन् । सिरहाको कर्जन्हा स्थायी ठेगाना भएका उनी सन् २०१० अन्त्यतिर कामदार भिसामा बेलायत गएका थिए ।