काठमाण्डौं – केही दिन यता देखी सक्रिय रहेको मिथुन उल्का बर्षा पौष २ गतेसम्मे रहने भएको छ । यो उल्का बर्षा २८ गते भने सबै भन्दा धेरै देख्न सकिने छ ।
मंसिर १९ देखि सक्रिय रहेको मिथुन उल्का वर्षा मंसिर २८ गते राति भने अत्यधिक सक्रिय रहने नेपाल एष्ट्रोनोमिकल सोसाइटीले जनाएको हो ।
सोसाइटीका अनुसार अत्यधिक सक्रिय समयमा प्रतिघण्टा १५० वटासम्म उल्का देख्न सकिने छ । यो मिथुन उल्का वर्षा क्षुद्रग्रह ३ हजार २०० फेथनले अन्तरीक्षामा छोडेका स–साना धुलाका कण तथा पदार्थले सूर्यलाई परिक्रमा गर्ने क्रममा पृथ्वीको नजिक हुँदा वायुमण्डलको करिब ७० किलोमिटरमाथि जलेर देखिने दृष्य हो ।
उल्का वर्षा हेर्न चाहने सर्वसाधारणले आफ्नो घरबाट वा प्रकाश प्रदूषण कम भएको स्थानबाट सजिलै अवलोकन गर्न तथा तस्बीर खिच्न सकीने सोसाइटीले जनाएको छ । अवलोकनका लागि मङ्सिर २८ गते आइतबार राति ८ बजेदेखि भोलिपल्ट बिहान ५ः३० सम्मको समय अनुकूल हुने समेत सोसाइटीका अध्यक्ष सुरेश भट्टराईले बताए ।
मौसमले साथ दिएमा उल्का वर्षा हेर्नका लागि यो सन् २०२० कै उत्कृष्ट समय हुने अनुमान गरिएको छ ।
देशको सबै स्थानबाट सजिलै देख्न सकिने यो दृष्य कैद गरेर आफुले खिचेका तस्बिर सोसाइटीलाई पठाउनसमेत आह्वान गरिएको छ । सोसाइटीमा प्राप्त तस्वीरलाई सामाजिक सञ्जालमार्फत् सार्वजनिक गरिने सोसाइटीले जनाइएको छ ।
