गोरखा – गोरखा सदरमुकाममा रहेको गोरखनाथ र गोरखकाली मन्दिर आइतबारबाट खुल्ने भएको छ ।
शाहबंशको कुल देवता मानिएको ऐतिहासिक तथा पुरातात्वीक महत्वको मानिएको गोरखाकाली र गोरखानाथ मन्दिर एकै साथ मंसिर २८ गतेबाट खुल्न लागेको हो ।
नोबल कोरोना भाइरस (कोभिड–१९)को संक्रमण फैलन सक्ने भन्दै गएको चैत्र १२ गते देखी सर्व साधारणका लागि मन्दिर प्रवेशमा रोक लगाइएको गोरखा दरर्बार हेरचाह अडले जनाएको छ ।
गोरखा नगरपालिकाको मंसिर २३ गते बुधबार सम्पन्न कार्यपालिका बैठकले ‘कोरोना भाइरसका कारणले दैनिक पुजाआजा बन्द गरिएकोमा हिन्दु धर्मालम्बीहरुबाट दैनिक पुजाआजा संचालनका लागि ब्यापक माग भइ आएको’ भन्दै ‘बन्द रहेको गोरखाकाली मदिरको पुजाआजा खुलाउने आवश्यक ब्यवस्था गर्ने’ निर्णय भएको सोही अनुसार जिल्ला प्रशासन कार्यालय गोरखामा पत्रचार गरिएको प्रमुख प्रशासकिय अधिकृत दिनेशराज पन्तले बताए ।
सोही दिन अर्को प्रख्यात मनकामना मन्दिर र नेपालकै पहिलो मनकामना केबुलकार समेत सञलनका लागि जिल्लास्तरीय कोभिड विपत व्यवस्थापन केन्द्र (सिसिएमसी) समक्ष अनुरोध पत्र आएको प्रमुख जिल्ला अधिकारी तीर्थराज भट्टराईले बताए । ‘गोरखा बजारको गोरखाकाली र गोरखानाथ मन्दिर खुल्ला गर्न गोरखा नगरपालिकाले अनुरोध पत्र पठाएको र मनकामना मन्दिर र केबुलकार सञ्चालन अनुमतीका लागि मनकामना क्षेत्र बिकास समिति र मनकामना दर्शन प्रालिले अनुमतीकालागी पत्रकार गरेकोले आज बस्ने सिसिएमसीको बैठकमा निर्णय लिईने’ प्रजिअ भट्टराईले भने ।
सिसिएमसी अर्थात जिल्लास्तरीय कोभिड विपत व्यवस्थापन केन्द्रको बैठक आज (बिहीबार) दिउसो २ बजे बस्ने जिल्ला प्रशासन कार्यालय गोरखाले जनाएको छ ।
गोरखाको गोरखाकाली र गोरखनाथ मन्दिर आइतबार खुल्ला भएको खण्डमा २६३ दिनको लामो बन्द पछि खुल्ला हुने छ भने गोरखाकै अर्को प्रख्यात मनकामना मन्दिर र केबुलकार खुल्ला भयो भने २६७ दिन पछि खुल्ला हुने छ ।
