गोरखा – गोरखा सदरमुकाममा पहिलो पटक भ्यू टावर निर्माण सम्पन्न भएको छ ।
गोरखा सदरमुकाम र वरपरका दृष्यहरुलाई अबलोकन गर्न मिल्ने गरी भ्यू टावर निर्माण सम्पन्न भएको हो ।
गोरखा नगरपालिका ५ को चिल्ड्रेनपार्क हाता भित्र निर्माण भएको २ तले भ्यू टावर उपभोत्ता समिती मार्फत गोरखा नगरपालिकाले निर्माण गरेको हो ।
पर्यटक पुर्वाधार भ्यू टावर उपभोत्ता समिति मार्फत गोरखा नगरपालिकाले निर्माण गरेको उत्त टावरका लागि नगरपालिकाले २५ लाख रुपैयाँ बजेट बिनियोजन गरेको उपभोत्ता समितीका अध्यक्ष राजकुमार श्रेष्ठले बताए । ‘चिल्ड्रेन र्पाकमा जिल्ला भित्र र बाहिरबाट आउने पर्यटकलाई गोरखा बजार तथा वरपरका हिमालको अबलोकन गर्न सहज होस भन्ने उद्वेश्यका साथ निर्माण गरिएको’ अध्यक्ष श्रेष्ठले बताए । टावर निर्माणका क्रममा समिती मार्फत २ लाख ५० हजार बरावरको श्रमदान गरिएको उनले बताए ।
स्थानियहरुको सहभागीता निर्माण भएको गोरखामा यो नै पहिलो भ्यू टावर हो । नगरपालिकाले ५ तले टावर निर्माणका लागि काम सुरु गरेको भएता पनि पहिलो चरणमा २ तले बनाईएको र बाँकी ३ तलाको लागि बजेट बिनियोजन हुन बाँकी रहेको गोरखा नगरपालिकाका ईन्जिनीयर प्रकाश ढकालले बताए । ‘लक्ष्य हाम्रो ५ तले हो । तर यो बिषयमा तिहार पछी हुने नगरपालिकाको बैठकले निर्णय हुने लिने भएका कारण अहिले केही भन्न सकिएन’ ईन्जिनीयर ढकालले भने ।
गोरखा नगरपालिकाले यस पटक चिल्ड्रेन पार्कमा निर्माण समपन्न भएको टावरमा तला थप गर्ने र कुहीरे भिरमा निर्माणाधिन भ्यू टावरका लागि भनेर यो बर्ष ३० लाख रुपैयाँ बजेट बिनियोजन गरेको छ । दुई वटा मध्ये कुनलाई कती भनेर चाही रकम छुट्टाएको छैन । दुवै भ्यू टावरलाई तिहार पछि हुने बैठकमा मात्र आवश्यताको आधारमा बजेट बिनियोजन गरिने कार्यालयले जनाएको छ ।
चिल्ड्रेन पार्क भित्र निर्माण भएको टावरको फाउन्डेसन भने ५ तलाको लागि उठाउन मिल्ने गरी काम सम्पन्न भएको हो ।
टावरको काम उपभोत्ता मार्फत चितवनको रिभेस ईन्जिनियरीङ एण्ड म्यानीफ्याक्चरीङ प्रालिले निर्माण गरेको हो । उत्त कम्पनीले टावरमा १२ हजार ५०० केजी फलाम प्रयोग गरेको कम्पनीले जानकारी दिएको छ ।
