काठमाण्डौं – पूर्व प्रधानमन्त्री एवं जनता समाजवादी पार्टीका संघीय परिषद् अध्यक्ष डा.बाबुराम भट्टराईले संसद अधिवेशन बोलाउन माग गरेका छन् ।
डा.भट्टराईले आज ट्वीट मार्फत सत्तारुढ नेपाल कम्युनिष्ट पार्टी (नेकपा)को आन्तरिक किचलो उसैले छिनोफानो गरे पनि हालका लागि गम्भीर देखिएका विषयमा संसद अधिवेशनमा छलफल गर्नुपर्ने धारणा सार्वजनिक गर्दै तत्कालै संसद अधिवेशन बोलाउन भनेका हुन् ।
ट्वीटमा डा.भट्टराईले कोरोना, अर्थतन्त्र, संघीयता, भ्रष्टाचार, विदेश सम्बन्ध र अन्य विषयमा संसदमा छलफल हुनुपर्ने भन्दै सरकारका दुष्कर्म–कुकर्म जनता र प्रतिपक्षी दलको पनि गम्भीर चासोको विषय भएको हुनाले ति मुद्दामा संसद अधिवेशन बोलाएर छलफल गर्नुपर्नेमा जोड दिएका छन् ।
प्रमुख प्रतिपक्षी कांग्रेसले पनि संसद अधिवेशन बोलाउनुपर्ने माग गर्दै आएको छ ।
