पोखरा – विश्वकै उत्कृष्ट १० गन्तब्य स्थलमा नेपालको अन्नपुर्ण पदमार्ग परेको छ ।
गण्डकी प्रदेशमा पर्ने अन्नपुर्ण पदमार्गलाई घुमघामसम्बन्धी जानकारी दिने वेबसाइट ‘लोन्ली प्लानेट’ ले पदमार्गलाई उत्कृष्ट दश घुम्नुपर्ने स्थानको सुचिमा राखेको हो ।
‘लोन्ली प्लानेट’ले कोरोना भाइरसका कारण विश्वभरको पर्यटन क्षेत्र प्रभावित भएको तर अब सुरक्षित तरिकाले भ्रमणको लागि अन्नपुर्ण पदमार्ग उत्कृष्ट गन्तव्य रहेको जनाएको छ ।
‘लोन्ली प्लानेट’ले अन्नपूर्ण पदयात्रालाई विश्वकै उत्कृष्ट पदयात्रा समेत भनेको छ । उसले पदमार्गमा हिमाल, नदी, स्थानीय जनजीवन आदिको दृश्यावलोकन गर्न सकिने उल्लेख गरेको छ ।
विश्वकै घुम्न लायक गन्तव्यको पहिलो ठाउँमा जोर्डनको पेट्राको लस्ट सिटी, दोस्रोमा इक्वेडरको गालापागोस, तेस्रोमा अस्ट्रेलियाको उलुरु राष्ट्रिय निकुञ्ज, चौथोमा अफ्रिकी देश बोत्सवानाको ओकाभाङ्गो डेल्टा परेका छन । त्यस्तै पाँचौँमा उत्तर अमेरिकाको एल्लोस्टोन नेशनल पार्क, छैठौँमा स्लोभानियाको ब्लेड ताल, सातौँमा अर्जेन्टिना र ब्राजिलको सीमामा रहेको इग्वाजु झरना, आठौँमा कम्बोडियाको अङ्कोर मन्दिर र नवौँ नम्बरमा बोलिभियाको सालर दी ताल ’लोन्ली प्लानेट’ले समावेश गरेको छ ।
