गोरखा – नेपाली सेनाले निर्माण गरेको बिद्यालय भवन हस्तान्रतण गरिएको छ ।
गोरखा नगरपालिका ८ मा बनेको ४ कोठे भवन नेपाल राष्ट्रिय भूपु सैनिक आवासीय विद्यालयलाई एक कार्यक्रम बिच ३ नम्वर वाहिनीपति सहायक रथी सागरबहादुर थापाले हस्तान्रण गरेका हो ।
नेपाली सेनाको गोरखाको नामजेली डाडाँमा रहेको रण सिंह दल गणले २५ लाखको लागतमा निर्माण गरेको भवन उदघाटन गर्दै सहायक रथी थापाले भवन निर्माणले सैनिक र नागरिक बिचको सम्बन्ध उच्च बनाएको भन्दै यस्तो कार्यले भूपु सैनिकहरुको पनि सम्मान भएको बताए ।
कार्यक्रममा नव निर्मित भवनको साँकेतिक चाँबी नेपाल राष्ट्रिय भूपु सैनिक संघ गोरखाका अध्यक्ष हितमान सिं बस्नेतलाई हस्तान्रण गरिएको थियो । विद्यालयको ४ कोठे भवन नेपाली सेनाको सिग्र प्रभाव आयोजना अन्तरगत विनियोजित रकमबाट निर्माण गरिएको रणसिं दल गणका गणपती उज्जवल केसीले बताए ।
९ महिनामा सम्पन्न गरिएको उत्त भवन २०७६ पुसबाट निर्माण सुरु भएको थियो । २०० जना विद्यार्थी अध्ययनरत बिद्यालय कक्षा ६ सम्म सञ्चालित छ ।
तस्बिर रण सिह दल गण गाेरखा