गोरखा समाचारदाता
गोरखा – बुङकोटमा जबरजस्ती करणीको आरोपमा एक जनालाई प्रहरीले पक्राउ गरेको छ ।
शहिदलखन गाउँपालिका वडा नम्बर ७ को बुंकोटमा एकै घरमा बस्दै आएका १० वर्षिया बालिकालाई जवरजस्ती करणी गरेको आरोपमा प्रहरीले १ जना नाबालकलाई पक्राउ गरेको हो ।
पिडितको काका पर्ने १५ वर्षिय बालक पक्राउ परेको जिल्ला प्रहरी कार्यालय गोरखाका सूचना अधिकारी प्रहरी नायब उपरिक्षक बासुदेव खतिवडाले बताए ।
पिडित बालिकाले आफुलाई पटक पटक ललाई फकाई बलात्कार गरेको बताएको जिल्ला प्रहरी कार्यालय गोरखाले जनाएको छ । बालिकाको आमा पोइल गएको र बुवा बैदेशिक रोजगारीमा रहेका कारण उनी सोही घरमा बस्दै आएका थिए ।
बालिकाको गोरखा अस्पतालमा उपचार भईरहेको छ ।
