गोरखा समाचारदाता
काठमाण्डौं – नोबल कोरोना भाइरस (कोभिड–१९)बाट नेपालमा आइतबार थप १३० जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा थप १३० जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या १८ हजार ६१३ पुगेको मन्त्रालयले बताएको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार मोरङमा २६ जना र दैलेखका २५ जनामा कोरोना संक्रमण देखिएको हो ।
त्यसतै गरी अछामका १४, काठमाडौं र इलामका ८÷८ जना, बर्दियाका ६ र पर्साका ४ जनामा पनि संक्रमण पुष्टि भएको छ ।
उता कास्की, रोल्पा, सुर्खेत र बाजुरामा ३÷३ जना, सुनसरी, महोत्तरी, नवलपुर, सोलुखुम्बु, गोरखा र बाँकेमा २÷२ जना तथा झापा, सिराहा, उदयपुर, धनुषा, दाङ, नुवाकोट, रौतहट, मकवानपुर, बारा, रुपन्देही, अर्घाखाँची, जुम्ला र कञ्चनपुरमा १÷१ जनामा संक्रमण देखिएको छ।
