गोरखा समाचारदाता
काठमाण्डौं – नोबल कोरोना भाइरस (कोभिड–१९)बाट नेपालमा थप १४७ जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा आज थप १४७ जनामा कोरोना संक्रमण पुष्टि भएको हो । नेपालमा यो सहित संक्रमितको संख्या १८ हजार २४१ पुगेको छ ।
स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा जानकारी दिदै मन्त्रालयका प्रबत्ता डा.जागेश्वर गौतमका अनुसार सबैभन्दा धेरै कञ्चनपुरमा ३० जनामा कोरोना संक्रमण पुष्टि भएको छ । यस्तै दैलेखका २४, पर्साका १७, मोरङका ८, सप्तरी र डोटीका ७/७ जना, काठमाडौं र सुर्खेतका ५/५ जनामा संक्रमण पुष्टि भएको छ ।
पर्वत र रुपन्देहीका ३/३ जना, धनकुटा, सुनसरी, सिराहा, भक्तपुर, ललितपुर, कास्की, डडेलधुरा र कैलालीका २/२ जना तथा झापा, महोत्तरी, स्याङ्जा, नवलपरासी, सल्यान र बझाङका १/१ जनामा कोरोना संक्रमण पुष्टि भएको छ ।