गोरखा समाचारदाता
लमजुङ – लमजुङमा आज फेरी पहिरोले ३० घर पुरिएको छ । पहिरोमा परी ८ जना घाईते भएका छन् ।
अबिरल वर्षापछिको पहिरोले मस्र्याङदी गाउँपालिका ३ पल्लोटारीका ३० घर पुरिएको हो ।
घाईते सबैको स्थानिय स्वास्थ्य संस्थामा उपचार भई रहेको लमजुङ प्रहरीले जानकारी दिएको छ । रातभर परेको पानीका कारण गाउँ माथिबाट पहिरो खसेर घरहरु पुरिएका हो ।
बुधवार र विहीवार बिहान गाउँ माथिबाट ठूलो पहिरो खसेर घर पुरेको हो । पहिरो खसेपछि भाग्ने क्रममा सिर्जना गोतामे, कविता बसेल, देवबहादुर सार्की लगायत ८ जना घाइते भएका छन् ।
८० घरधुरी रहेको गाउँमा ३० घर पुरै पहिरोले पुरेको छ भने बाँकी सबै घरमा आंशिक क्षति पुगेको छ । पहिरोले पुरेको ३० घर र बाँकी ५० गरी ८० घर नै स्थानान्तरण गरिएको छ ।
मंगलबार ४ घरमा पहिरो पसेको र बुधबार थप २६ घरसहित ३० घर पुरेको गाँउपालिकाले जनाएको छ । गाउँमा पुनः पहिरो जान सक्ने र घर बगाउने सम्भावना रहेकाले उनीहरुलाई तरापुको धनेश्वर आधारभूत विद्यालय र सामुदायिक भवन लगायतका स्थानमा राखिएको छ ।
तस्बिर नबिन कुइकेलको फेसबुक पेजबाट साभार गरिएको