गोरखा समाचारदाता
काठमाण्डौं – नेपाल सरकारले १२० दिन पछि लकडाउन अन्त्य भएको घोषणा गरको छ ।
नोबल कोरोना भाइरस (कोभिड–१९) महामारी रोकथामका लागि लगाएको लकडान अन्त्य भएको घोषणा गरेको हो ।
चैत्र ११ बाट जारी लकडाउन मंगलबारबाट अन्त्य भएको सरकारका प्रवक्ता तथा अर्थ र सञ्चार तथा सूचना प्रविधिमन्त्री डा.युवराज खतिवडाले जानकारी गराएका छन् ।
मन्त्रिपरिषदको निर्णय सार्वजनिक गर्न मंगलबार आयोजित पत्रकार सम्मेलनमा मन्त्री खतिवडाले लकडाउन अन्त्य भएको बताए । उनले साउन १५ बाट होटल पनि खुल्ने जानकारी गराए । तर सामूहिक भोज, पार्टीजस्ता गतिविधि गर्न नपाइने जानइको छ ।
ट्रेकिङ, ट्राभल र पर्वतारोहणसम्बधी कार्यालय पनि साउन १५ बाट खोल्न सकिने र त्यस्तै गरी निजी सवारी साधानमा लगाउँदै आएको जोर विजोर प्रणाली पनि हटेको उनले बताए ।
त्यस्तै गरी सरकारी कार्यालयमा हाल भइरहेको दुई सिफ्टको व्यवस्था अन्त्य भएको छ । सरकारी कार्यालय पनि नियमित १० देखि ५ बजेसम्म सञ्चालन हुने पत्रकार सम्मेलनमा जानकारी गराईएको थियो ।
्
सरकारले भदौ १ गतेबाट लागू हुने गरी विद्यार्थी भर्ना खुला गर्ने तर विद्यालय सञ्चालन भने नगर्ने निर्णय गरेको छ। यस्तै भदौ १ बाट राष्ट्रिय तथा अन्तर्राष्ट्रिय खेलकुदका क्रियाकलाप पनि संचालन गर्ने निर्णय सरकारले गरेको छ ।
तस्विर गुगलबाट
