गोरखा समाचारदाता
काठमाण्डौ – नोबल कोरोना भाइरस (कोभिड–१९)बाट आइतबार थप १५६ जनामा कोरोना पुष्टी भएको छ ।
देशको विभिन्न प्रयोगशालामा गरिएको परिक्षणमा उत्त संख्यामा कोरोना पुष्टी भएको हो । यो सहित अब नेपालमा कोरोना संक्रमितको संख्या १७ हजार ६५८ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार आइतबार थप १५६ जनामा कोरोना संक्रमण पुष्टी भएको छ ।
पत्रकार सम्मेलनमा प्रबत्ता डा.गौतमले नेपालमा हालसम्म ११ हजार ६९५ जना उपचारपछि निको घर फर्किएका छन् ।
आज सम्म नेपालमा कोरोना भाइरसका कारण ४० जना ज्यान गुमाएको समेत जानकारी गराएको थियो ।
कहाँ कहाँ कति संक्रमित भए त आज ?
मन्त्रालयका अनुसार आइतबार सबैभन्दा धेरै सप्तरीमा ३२ जना संक्रमित भेटिएका छन् । त्यस्तै कैलालीमा २४ जना, सर्लाहीमा २३ जना, बर्दिया र नवलपरासीमा १०/१० जना, पर्सामा ७ जना, कास्की, लमजुङ र म्याग्दीमा ६/६ जना, बाँके र दाङमा ५/५ जनामा कोरोना संक्रमण देखिएको छ ।
ललितपुर, सर्लाही र रौतहट, स्याङ्जा, रुपन्देही र डडेल्धुरामा २/२ जनामा संक्रमण देखिएको छ ।
सुनसरी, सिरहा, बारा, काठमाडौं, मोरङ, मकवानपुर, बागलुङ, पर्वत, प्युठान र सल्यानमा १/१ जनामा संक्रमण देखिएको छ ।