गोरखा समाचारदाता
काठमाण्डौं – नेपालमा बिहिबार थप १६७ जनामा कोरोना संक्रमण पुष्टि भएको छ ।
देशको विभिन्न प्रयोगशालामा गरिएको परिक्षणमा थप १६७ जनामा कोरोना संक्रमण पुष्टी भएको हो । योसंगै नेपालमा संक्रमितको संख्या १७ हजार ३४४ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले गएको २४ घण्टामा थप १६७ जनामा कोरोना संक्रमण देखिएको हो । डा.गौतमले विदेशबाट आउनेको संख्या घटनुका साथै क्वारिन्टीनमा रहेकाहरुको संख्या समेत कम भएकाले संक्रमितको संख्यामा आएको कमी संख्या पिसिआर परिक्षणमा समेत कमी आएको बताए ।
नेपालमा बिहीबार सम्म कोरोना मुक्त हुनेको संख्या ११ हजार २४९ पुगेको छ । पछिल्लो २४ घण्टामा २२४ जना डिस्चार्ज भएका छन् ।
त्यस्तै गरी आइसोलेसनमा रहनेको संख्या ६ हजार ५६ पुगेको छ । पछिल्लो २४ घण्टामा ४ हजार ९९१ जनाको परीक्षण भएसंगै हालसम्म पीसीआर विधिबाट ३ लाख ३ हजार ८१० जनाको परीक्षण गरिएको छ ।
