गोरखा समाचारदाता
काठमाण्डौं – नेपालमा बुधबार कोरोना भाइरस संक्रमणवाट थप १ जनाको ज्यान गएको छ ।
ज्यान गुमाउनेमा रौतहटका परोहा नगरपालिकाका ३६ वर्षीय पुरुष रहेको पुष्टी भएको हो । यो सहित नेपालमा कोरोना संक्रमणका कारण ज्यान गुमाउनेको संख्या ३९ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले आज (बुधबार) दिउसो चितवनको नारायणी अस्पतालको सघन उपचार कक्षमा ज्यान गएको बताए ।
उनी असार २४ गते भारतबाट नेपाल फर्केर क्वारिन्टीनमा बसेका थिए । असार २९ गते ज्वरो आई श्वासप्रश्वासमा समस्या आएपछि उनलाई नारायणी अस्पतालको सघन उपचार कक्षको भेन्टिलेटरमा राखेर उपचार गरिएको थियो ।
उनी कोरोना संक्रमणवाट मृत्यु भएको आफन्तको अन्तिम संस्कारका लागि भारतमा गएर फर्केका थिए ।