गोरखा समाचारदाता
काठमाण्डौं – नेपालमा बुधबार कोरोना भाइरस संक्रमणवाट थप ११६ जनामा कोरोना संक्रमण देखिएको छ ।
देशको विभिन्न प्रयोगशालामा भएको पिसिआर परिक्षणका क्रममा थप ११६ जनामा कोरोना संक्रमण देखिएको पुष्टी भएको हो । यो सहित अब नेपालमा कोरोना संक्रमितको सख्ंया १७ हजार १७७ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले वुधबार थप ११६ जनामा कोरोना संक्रमण देखिएको जानकारी दिए ।
संक्रमितहरु मध्ये बुधबार सम्ममा ११ हजार २५ जना सफल उपाचार पछि घर फर्किएको पनि पत्रकार सम्मेलनमा डा.गौतले बताए । गएको २४ घण्टामा ६९७ जना निको भएर घर फर्किएका छन ।
देशभरका आइसोलेसनमा ६ हजार ११३ संक्रमितको उपचार भैरहेको छ ।