एजेन्सी – भारतमा कोरोना संक्रमितलाई अक्सिजन अभाव हुन थालेको छ ।
संक्रमितको संख्या बढ्दै जान थालेको र अक्सिजन उत्पादन बढाउन नसकेका कारण अक्सिजन अभाव भएको हो ।
भारतको महाराष्ट्र लगायतका राज्यमा संक्रमित बिरामीहरु अक्सिजन अभावको समस्या भोगिरहेको भारतीय सञ्चारमाध्यमले जनाएका छन् ।
गम्भीर स्थितिमा पुगेका बिरामीहरुलाई अक्सिजनको सहारामा भेन्टिलेटरमा राख्नुपर्ने भएपनि अक्सिजन अभाव हुँदा समस्या भएको स्वास्थ्यकर्मीहरुले पनि बताएका छन् ।
भारतमा अहिलेसम्म ८ लाख ५० हजारभन्दा धेरै मानिस संक्रमित भइसकेका छन् ।
अस्पताल र हेरचाह केन्द्रहरुमा दैनिक करिब १ हजार ३०० टन अक्सिजन आवश्यक पर्न थालेको छ । भारतमा उत्पादन हुने अक्सिजनको १५ प्रतिशत अस्पतालमा र ८५ प्रतिशत स्टील र अटोमोबाइल उद्योगहरुमा प्रयोग हुने गरेको छ ।
