गोरखा समाचारदाता
गोरखा – गोरखाको मुख्य मुख्य बजारमा दोस्रो चरणको सिसी क्यामेरा जडानको काम सम्पन्न भएको छ ।
दोस्रो चरणमा जिल्लाको मुख्य मुख्य बजारमा ३१ वटा क्यामेरा जडान गरिएको हो ।
गोरखा नगरपालिकाको आर्थिक सहयोगमा सामुदायिक सेवा केन्द्र गोरखाले मुख्य मुख्य बजारमा क्यामेरा जडान सम्पन्न गरेको छ । जिल्लाको गोरखा नगरपालिका क्षेत्र अन्तरर्गतको वडा नम्बर १३ को अबुवा बजार, १२ को अबुवा, ११ को १२ किलो बजार तथा वडा नम्बर ५, ६, ७ र ८ को बजार क्षेत्रमा ३१ वटा क्यामेरा जडान गरिएको सामुदायिक सेवा केन्द्र गोरखाले जानकारी दिएको छ ।
काम सम्पन्न भए लगत्तै आज (बुधबार) गोरखा नगरपालिकाको सभा हलमा एक कार्यक्रम गरी केन्द्रले गोरखा नगरपालिकाकालाई योजना हस्तान्तरण गरेको छ । आजै नगरपालिकाले जिल्ला प्रहरी कार्यालय गोरखालाई सम्पन्न योजना हस्तान्तरण गरेको छ ।
केन्द्र अध्यक्ष सुशिलबावु श्रेष्ठ (कैलास)ले नगर प्रमुख राजनराज पन्तलाई एक कार्यक्रम बिच सम्पन्न योजना हस्तान्तरण गरेका थिए भने सोही कार्यक्रममा नगर प्रमुख पन्तले जिल्ला प्रहरी कार्यालय गोरखाका प्रहरी उपरिक्षक सुरेन्द्र बहादुर गुरुङलाई योजना हस्तान्रण गरेका थिए ।
सम्पन्न योजना हस्तान्तरण गर्दै नगर प्रमुख पन्तले आउने आर्थिक बर्ष गोरखा नगरपालिकाको बाँकी क्षेत्रलाई समेटने गरी बजेट तर्जुमाको ब्यवस्था मिलाउने बताए । उनले सिसी क्यामेराकै कारण प्रहरीलाई सुरक्षा ब्यवस्थामा सहयोग पुगेको भन्दै यस्ता कार्यक्रमलाई निरन्तरता दिने समेत बचन दिए ।
सामुदायिक सेवा केन्द्रले पहिलो चरणमा गोरखा नगरपालिकाको आर्थिक सहगोगमा नगर क्षेत्र भित्रको वडा नम्बर ६, ७ र ८ मा ३७ वटा सडक क्यामेरा जडान गरेको थियो भने यो आर्थिक बर्षमा वडा नम्बर ५, ६, ७, ८, ११, १२ र १३ मा ३१ वटा क्यामेरा थप गरेको हो ।
थप गरिएको क्यामेराले अबुवा बजार, १२ किलो बजार, खोलखोले, चाईनिजधारा, पेट्रोल पम्प, हरमटारी, कालीमाटी, शक्तिचोक, पुरानो बसपार्क, नयाँ बजार, विपीचोक, धारापानी, राहटेपानी, तल्लो मैदान हुदै चिल्ड्रेन पार्कको सुरक्षा ब्यवस्था हेर्न सकिन्छ । साथै पदेली, ठुलो आँगन, तिनधारे, पाटेचौर, गोरखा अस्पताल, घ्याम्पेशाल बसपार्क र लोकतान्त्रिक चोक सम्मको सुरक्षा ब्यवस्था हेर्न मिल्ने गरी क्यामेरा बिस्तार गरिएको छ ।
क्यामेरा जडान भए नभएको अनुगमन गर्दै गोरखा नगरपालिकाका उप मेयर बिनाकुमारी श्रेष्ठ
क्यामेरा जडानका लागि गत बर्ष नगरपालिकाले १८ लाख उपलब्ध गराएको थियो भने यो बर्ष १० लाख रुपैयाँ उपलब्ध गराएको गोरखा नगरपालिकाले जनाएको छ ।
कार्यक्रममा प्राविधिक सहयोग गर्ने सन टेक्नोलोटी बनस्थलीलाई सम्मान पत्र र आर्थिक सहयोग उपलब्ध गराउने टोल विकास संस्थालाई कदर पत्र प्रदान गरिएको थियो ।
योजना हस्तान्रण कार्यक्रममा उप प्रमुख बिनाकुमारी श्रेष्ठ, प्रमुख जिल्ला अधिकारी सुरेन्द्र पौडेल, प्रहरी उपरिक्षक सुरेन्द्रबहादुर गुरुङ, प्रमुख प्रशासकिय अधिकृत रामकृण्ण अर्याल, वडाध्यहरु, टोल बिकास संस्था, पत्रकार र सामुदायिक सेवा केन्द्रका पदाधिकारीहरुको उपस्थिती रहेको थियो ।
