गोरखा समाचारदाता
काठमाण्डौं – अमेरिकी राष्ट्रपति डोनल्ड ट्रम्पले भारत र चीनबीच बिचको सिमा विवाद समाधानका लागि मध्यथ गर्न ईच्छुक रहेको बताएका छन् ।
भारत र चीन संग आफुले कुराकानी गरिरहेको भन्दै समस्या समाधानका लागि मध्यथ गर्न ईच्छुक रहेको बताएका हुन ।
राष्ट्रपति ट्रम्पले ह्वाइट हाउसबाहिर पत्रकारसँग कुरा गर्दै दुवै देश कठिन परिस्थित रहेको, दुई देशबीच ठूलो समस्या रहेको र दुवै देश आमुन्नेसामुन्ने भएका मध्यथ गर्न तयार रहेको बताएको भन्दै बिबिसीले जनाएको छ ।
गत साता सोमवार राति गलवान उपत्यकामा भारत र चीनबीच भएको हिंसक घटनामा भारतका वरिष्ठ सैन्य अधिकारीसहित २० सैनिकको ज्यान गएको थियो ।
यता भारतले चिनियाँ सैनिकहरू पनि ज्यान गएको दाबी गरेको छ। तर चीनले त्यसबारे आधिकारिक रूपमा केही बोलको छैन ।
भारत र चीनबीच विद्यमान तनावबारे अमेरिकी राष्ट्रपतिले गत महिना सामाजिक सञ्जालमा टिप्पणी गर्दै आफू मध्यस्थता गर्न तत्पर भएको बताएका थिए ।
एउटा ट्वीटमा ट्रम्पले भनेका थिए, ‘हामीले भारत र चीन दुवै देशलाई जारी सीमा विवादबारे मध्यस्थता गरिदिन अमेरिका तयार, इच्छुक र सक्षम भएको जानकारी दिएका छौँ। धन्यवाद ।’
We have informed both India and China that the United States is ready, willing and able to mediate or arbitrate their now raging border dispute. Thank you!
— Donald J. Trump (@realDonaldTrump) २०२० मे २७
राष्ट्रपति ट्रम्पले चीनसँगको तनावका कारण भारतीय प्रधानमन्त्री नरेन्द्र मोदीको मनोदशा नराम्रो भएको समेत टिप्पणी गरेको बिबिसीले लेखेको छ ।
तर ट्रम्पले मध्यस्थताका लागि गरेको प्रस्तावलाई भारत र चीन दुवैले अस्वीकार गरिसकेका छन् ।
गत साता भएको सङ्घर्षको विषयमा भारत र चीन दुवैले एकअर्कालाई दोषारोपण गरेका छन् ।
