गोरखा समाचारदाता
काठमाण्डौं – केही दिन यताबाट नेपालमा मनसुन सक्रिय भएको भन्दै मौषम बिदले सतर्कता अपनाउन भनेको छ ।
लगातारको झरी र बर्षाले बाढी र पहिरोको जोखिम बढ्दै गएकोले सर्व साधारणहरुलाई सतर्कता अपनाउन भनेको हो ।
लगातारजसो झरीले जमिन भित्रै सम्म भिन्ज थालेको छ, जमिनले पानी सोसेपछि पहाडमा पहिरो र तराईमा बाढी तथा डुबान हुन सक्ने भएकोले मौसमविद् बरुण पौडेलले अरु बेला भन्दा बढी सतर्कता अपनाउन अनुरोध गरे ।
ठूलो पानी परेको बेला नदी तथा खोलाखोल्सामा एक्कासी पानीको बहाव बढ्ने, पहाडमा पहिरो खस्ने, ढलको उचित निकास नभएका ठाउँमा सडक भत्कने र डुबान हुने भएकाले आवश्यक सतर्कता अपनाउन समेत मौषम विभागले आग्रह गरेको छ ।