गोरखा समाचारदाता
काठमाण्डौं – नेपाल सरकारले वैदेशिक रोजगारी खुला गर्ने निर्णय गरेको छ । यो संगै बिदेशमा अध्ययनका लागि जान चाहनेलाई पनि जान दिने भएको छ ।
कोभिड–१९ संकट व्यवस्थापन केन्द्रको शुक्रबार बसेको बैठकले बिदामा नेपाल आएका तथा नयाँ रोजगारीमा जान चाहने र बिदेशमा अध्ययनका लािग जान चाहनेहरुकालागि जान दिने निर्णय गरेको हो ।
रोजगारीका लागि श्रम तथा रोजगार मन्त्रालयको सिफारिस र अध्ययनका लागि शिक्षा मन्त्रालयको सिफारिसमा जान दिने निर्णय गरिएको परराष्ट्रमन्त्री प्रदीप ज्ञवालीले जानकारी दिए ।
आजैको बैठकले सम्बन्धित देशको सरकार र रोजगारदाता कम्पनीले खर्च नव्यहोर्नेहरुलाई उद्दार गर्ने गाइडलाइन बनाउन समेत श्रम मन्त्रालयलाई निर्देशन दिएको छ ।
बैठकले देशभरका क्वारेन्टिन स्थल सुधार गर्ने र त्यहाँ बसेकाहरुको २ साताभित्र पिसिआर परीक्षण गर्ने निर्णय गरेको छ ।
आजैको बैठकले सर्व साधारणहरुलाई अत्यावश्यक काम नभईकन घर बाहिर ननिस्कन, निस्किनै परे मास्क लगाएर मात्र निस्कन र भौतिक दुरी कायम गर्न समेत अपील गरेको छ ।
साँकेतिक तस्बिर
