एजेन्सी – बेलायतमा गरिएको एक अध्ययनले कोरोना संक्रमित गम्भीर बिरामीलाई बचाउन ‘डेक्सामेथासोन’ प्रभावकारी हुने देखाएको छ ।
बेलायतका विशेषज्ञहरुले स्ट्रोआइटको सानो मात्राले कोरोना विरुद्ध लड्न सहयोग पुरयाउने दाबी गरेका छन् ।
उनीहरुका अनुसार यसले विशेषगरी कोरोनाका कारण भेन्टिनलेटरमा रहेका वा अक्सिजनमा रहेका रोगीलाई बचाउन सकिने छ ।
अक्सफोर्ड विश्वविद्यालयले २ हजार कोरोना संक्रमितमा गरेको परीक्षणको आधारमा यसले भ्यान्टिनलेटरमा रहेका रोगीको मृत्युदरलाई ४० प्रतिशतबाट २८ प्रतिशत र त्यस्तै अक्सिजनमा रहेका रोगीको मृत्युदरलाई २५ प्रतिशतबाट २० प्रतिशतमा पुरयाउने दाबी गरेको छ ।
विशेषज्ञका अनुसार भेन्टिलेटरमा रहेका ८ मध्ये १ रोगी र अक्सिजनमा रहेका २५ मध्ये १ रोगीलाई ‘डेक्सामेथासोन’को माध्यमबाट बचाउन सकिनेछ ।
अध्ययन नेतृत्व गरेका प्राध्यापक मार्टिन ल्यान्ड्रेका अनुसार बेलायतमा यो औषधि उपलब्ध भएको भए ५ हजार संक्रमितलाई बचाउन सकिन्थ्यो ।
‘डेक्सामेथासोन’ सस्तो औषधि भएकोले खासगरी गरिब देशहरुका लागि यो बरदान सावित हुने बताइएको छ ।
