गोरखा समाचारदाता
काठमाण्डौं – नोबल कोरोना भाइरस (कोभिड–१९)बाट आज ३८० जना संक्रमित भएको पुष्टि भएको छ ।
देशका विभिन्न प्रयोगशालामा गरिएको परीक्षणमा ३८० जनामा कोरोना संक्रमण पुष्टि भएको हो । यो सँगै अब नेपालमा कोरोना संक्रमितको संख्या ६ हजार ५९१ पुगेको छ ।
स्वास्थ्य तथा जनसंख्या मन्त्रालयले आज (मंगलबार) गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले कोरोना संक्रमणबाट देशको विभिन्न जिल्लामा गरी ३८० जना संक्रमित भएको जानकारी दिए ।
