गोरखा समाचारदाता
पोखरा – गण्डकी प्रदेश डेंगु रोगका बिरामी भेटिएका छन् ।
कोरोना कहरबाट जुघिरहेको गण्डकीमा २७ जना डेंगुका बिरामी फेला परेका हुन् ।
गण्डकी प्रदेशमा केही साता यता लामखुट्टेको टोकाइबाट सर्ने डेंगु र स्क्रब टाइफसको संक्रमणसमेत बढेको प्रदेश स्वास्थ्य निर्देशनालय पोखराले जनाएको छ ।
अहिले सम्म म्याग्दीमा ५ जनामा स्क्रब टाइफस देखिएको छ । म्याग्दी र कास्कीमा सबैभन्दा डेंगुका संक्रमित समेत भेटिएका छन् । म्याग्दीमा १२ र कास्कीमा १० बिरामी फेला डेंगुबाट संक्रमित फेला परेको छ । उता पर्वतमा २ तथा बाग्लुङ, तनहुँ र नवलपुरमा १÷१ जनामा डेंगु संक्रमण पुष्टि भएको प्रदेश स्वास्थ्य निर्देशनालय पोखराले जनाएको छ ।
निर्देशनालयको आपतकालीन कार्य सञ्चालन संयोजक नवराज शर्माका अनुसार प्रदेशमा सबै भन्दा बढी डेंगुको संक्रमण देखिएको जिल्ला म्याग्दी हो । उनका अनुसार बेनी नगरपालिका र मंगला गाउँपालिका क्षेत्रमा ‘एडिस’ जातको लामखुट्टे भेटिएकाले सो क्षेत्रलाई डेंगु रोगको जोखिमयुक्त क्षेत्रमा राखी रोग नियन्त्रणका गतिविधि शुरु गरिएको छ ।
कास्कीलगायतका अन्य जिल्लामा समेत स्वास्थ्य संस्थामार्फत डेंगु संक्रमण फैलन नदिनका लागि ‘खोज र नष्ट गर’ अभियान तथा सरसफाइका कार्यक्रम शुरु गरिएको निर्देशनालयले जनाएको छ । डेंगु ‘एडिस’ लामखुट्टेको टोकाइबाट लाग्ने रोग हो ।
बर्खालागेसँगै लामखुट्टेले जमेका पानीमा फुल पार्ने गर्दछ र यो रोग लागेपछि मानिसमा अत्याधिक ज्वरो आउने, आँखाका गेडी दुख्ने, बान्ता हुने, मांसपेशी र हाडजोर्नी दुख्ने, शरीरमा बिमिरा देखापर्ने आदि लक्षण देखिन्छन् । डेंगुको उपचारसमेत हालसम्म पत्ता लाग्न सकेको छैन ।
त्यसैगरी स्क्रब टाइफस किराबाट मानिसमा सर्ने सरुवा रोग हो । यसको संक्रमित बिरामीमा उच्च ज्वरो आउने, धेरै टाउको दुख्ने, पसिना आउने, झाडापखाला लाग्नेलगायत जस्ता लक्षण देखिने भएकाले यसबाट जोगिन घर बाहिर जाँदा पूरै शरीर ढाकिने कपडा लगाउन उपयुक्त हुन्छ ।
