कन्ट्याक्ट ट्रेसिङ गर्दै
गोरखा समाचारदाता
गोरखा – गोरखा पालुङटार नगरपालिकाका एक नाबालकमा कोरोना संक्रमण पुष्टि भएसँगै कन्ट्याक्ट ट्रेसिङका लागि स्वास्थ्यकर्मीहरुको एक टोली च्याङली क्षेत्रमा पुगेका छन् ।
गण्डकी प्रदेश स्वास्थ्य निर्देशनालयको टोली पोखराबाट गोरखाको च्याङली आएका हुन् ।
आइतबार बिहानै गोरखाको १० जनामाण् संक्रमण पुष्टी गरे लगत्तै स्वास्थ्यकर्मीहरुको टोली च्याङली आएर कन्ट्याक्ट ट्रेसिङको काम थालेको हो ।
संक्रमणको स्रोत पत्ता लगाउने उद्वेश्यका साथ निर्देशनालयले स्वास्थ्यकर्मीहरुको टोली आइतबार त्यसतर्फ पठाएको थियो ।
उत्त टोलीले च्याङ्ली क्षेत्रमा कन्ट्याक्ट ट्रेसिङको काम गरिरहेको निर्देशनालयको आधिकारिक फेसबुक पेजमार्फत सार्वजनिक समेत गरेको छ ।
पालुङटारका ति युवक जिल्ला प्रहरी कार्यालय गोरखाको हिरासतमा थिए । जबरजस्तीकरणी मुद्दामा जेष्ठ ९ गते पक्राउ परेका उनलाई ११ गते मात्र ठाटीपोखरी प्रहरीले जिल्लामा बुझाएको थियो । अहिले उनको गोरखा अस्पतालको आइसोलेसनमा राखेर उपचार भई रहेको छ ।
उनको सम्पर्कमा आएका भनिएको २८ जना विभिन्न तहका प्रहरी कर्मचारीको हिजो नै स्वाब संकलन गरेर परिक्षणको लागि पठाईएको जिल्ला प्रहरी कार्यालय गोरखाले जनाएको छ । उनीहरु सबैलाई सेल्फ क्वारेन्टिनमा बस्न निर्देशन दिएको समेत कार्यालयले जानकारी दिएको छ ।
संक्रमितमध्ये ९ जना गण्डकी गाउँपालिकाका छन् ।
