गोरखा समाचारदाता
सुर्खेत – सुर्खेतका नोबल कोरोना भाइरस (कोभिड–१९)बाट संक्रमित ब्यक्तिको ज्यान गएको छ ।
जिल्लाको पञ्चपुरी नगरपालिका वडा नम्बर १ हाँसेका २० वर्षे युवकको कोरोना संक्रमणका कारण ज्यान गएको पुष्टी भएको हो । यो सहित नेपालमा कोरोना संक्रमणका कारण ज्यान गुमाउनेको सख्ंया ११ पुगेको छ ।
बिहीबार बिहान २ः०० बजेतिर क्वारेन्टाइनमै शंकास्पद ढंगले ज्यान गुमाएका ति युवकको स्वाव परीक्षण गर्दा कोरोना संक्रमण पुष्टि भएको हो ।
क्वारेन्टिनमा १४ दिन बसेर घर फर्किए लगत्तै उनको ज्यान गएको थियो ।
क्वारेन्टाइनमा रहदैमा २ पटक आरडीटी गरिएको ति ब्यक्तिको परीक्षण रिपोर्ट नेगेटिभ देखिएपछि ती युवकलाई बुधबार घर पठाइएको थियो । उनी भारतको मुम्बईबाट जेठ ७ गते सुर्खेत आएका थिए ।
युवकसहित जनता मावि विद्यापुर क्वारेन्टिनमा रहेका वडा नम्बर १ का ६ जनालाई पनि बुधबार नै घर पठाइएको थियो ।
क्वारेन्टिनस्थलबाट रातको करिब ११ बजे गाउँ पुगेका मृतकसहित ६ जनालाई घर नजिकैको माहुरी पालन स्रोत केन्द्रको भवनमा राखिएको थियो । सोही स्थानमा उनको ज्यान गएको हो ।
युवकको मृत्युपछि उनीसँगै घर फर्केका ५ जनाको पनि स्वाब परीक्षणको तयारी गरिएको छ ।
बिहिबार मात्रै पनि पाल्पाका ४५ वर्षीय एक पुरुषले कोरोनाबाटै ज्यान गुमाएका थिए ।
