गोरखा समाचारदाता
गोरखा – नेपाल कम्युनिष्ट पार्टीकी पोलिटव्युरो सदस्य उमा भुजेललाई प्रहरीले झुठा मुद्वामा गोरखा जिल्ला अदालतमा पेश गरे लगत्तै पुनः पक्राउ गरी ललितपुर चलान गरिएको छ ।
उनलाई एनसेलको टावलमा आगजनी गरेको भन्दै आरोपमा अदालतमा पेश गरेको भएता पनि प्रमाण नभएको भन्दै अदालतले रिहा गर्न दिएको आदेश विपरित गोरखा प्रहरीले पक्राउ गरी ललितपुर चलान गरेको हो ।
भुजेललाई गोरखाको पालुङटार नगरपालिका स्थित एनसेल टावरमा आगजनी गरेको आरोपमा कैलाली प्रहरीले गोरखा प्रहरीलाई मंगलबार बुझाएको थियो । सरकारद्धारा प्रतिबन्धित नेत्रबिक्रम चन्द (बिप्लव) नेतृत्वको नेपाल कम्युनिष्ट पार्टीकी पोलिटव्युरो सदस्य उमा भुजेललाई प्रहरीले झुठा मुद्वामा पक्राउ गरी ललितपुर प्रहरीमा आज चलान गरको छ ।
गोरखा जिल्ला अदातलले ५ हजार रुपैया धरौटीमा रिहा गर्न आदेश दिए लगत्तै उनलाई गोरखाको प्रहरीले पक्राउ पुर्जी सहित अदातल परिषरबाटै पुनः पक्राउ गरेएको हो ।
गोरखा प्रहरीले ललितपुर प्रहरी कार्यालयमा अर्को मुद्धा रहेको भन्दै पक्राउ गरी चलान गरेको गोरखा प्रहरी प्रमुख ओमप्रसाद अधिकारीले बताए । जिल्ला अदालतमा बुधबार भएको बयानपछि अदालतले भुजेललाई बिहिबार धरौटीमा रिहा गर्न आदेश दिएको हो ।
उहाँ माथि शान्ति सुरक्षा बिरुद्धको कसुरमा गोरखा जिल्ला अदातलमा प्रहरीले मुद्धा दायर गरेको थियो ।
गएको पौष १२ गते सुनसरी जिल्लामा पक्राउ परेकी नेतृ भुजेललाई बिभिन्न बाहानामा प्रहरीले नियन्त्रणमा राख्दै आएको छ । अदालतले रिहा गर्न आदेश दिएपनि प्रहरीले भने अनेक बाहानामा पक्राउ गरी विभिन्न जिल्ला चलान गर्दै आएको छ ।
सरकारद्धारा प्रतिबन्धित नेत्र बिक्रम चन्द बिप्लव समुहका आबद्ध नेतृ भुजेललाई कैलालीबाट मंगलबार गोरखा ल्याइएको थियो ।