गोरखा समाचारदाता
काठमाण्डौं – नेपालमा कोरोना संक्रमणबाट थप १ जनाको ज्यान गएको छ ।
दोलखाका ७६ पुरुषको कोरोनाका कारण ज्यान गएको हो । यो संगै नेपालमा कोरोना संक्रमणबाट ज्यान जानेको संख्या ९ पुगेको छ ।
स्वास्थ्य तथा जनसंख्या मन्त्रालयको आज नियमित पत्रकार सम्मेलनमा मन्त्रालयका प्रवत्ता डा.विकास देवकोटाले दोलखाका ७६ पुरुषको कोरोनाका कारण ज्यान गएको जानकारी दिएको हो । उनको जेठ १३ गते काठमाडौं मेडिकल कलेजमा उपचारका लागि भर्ना गरिएको थियो । उनको १५ गते स्वाव संकलन गरिएको थियो ।
परीक्षणका क्रममा कोरोना पोजेटिभ देखिएसँगै थप उपचारका लागि उनलाई त्रिवि शिक्षण अस्पतालमा भर्ना गरिएको थियो । आइसियुमा उपचार हुदा हुदै उनको निधन भएको डा.देवकोटाले बताए ।
