गोरखा समाचारदाता
गोरखा – लकडाउनको आज ७२ औं दिन । गोरखामा आज देखी केही खुकुलो पारिएको छ ।
जिल्ला स्तरीय कमाण्ड पोष्टले अत्यावश्यकीय सामान बिक्री गर्ने पसल तथा सवारीहरुलाई १२ घण्टा सम्म सञ्चालन हुनपाउने गरी खुकुलो पारेको हो ।
कोरोना भाइरस (कोभिड–१९)को रोकथाम, नियन्त्रण र ब्यवस्थापनको लागि गठित गोरखा जिल्ला स्तरीय कमाण्ड पोष्टले हिजो (मंगलबार)निर्णयहरु गर्दै आज (बुधबार)देखी केही खुकुलो पारिएको जनाएको हो । समितिले हिजो गरेको निर्णयमा आज बिहान ६ बजेदेखी साँझ ६ बजे सम्म खाद्यान्न जन्य सामाग्री, ग्यास, इन्धन, दुग्धजन्य पदार्थ, तरकारी ढुवानी, कुखुराको दाना पसल तथा अत्यावश्यक प्रयोजनको लागि निर्माण समाग्री ढुवानी गर्न पाउने छ भने कुखुराको चल्ला, माछामासु, माछाको भुरा र अत्यावश्यक औषधीको लागि भने २४ सैं घण्टा खुल्ला रहने निर्णय गरेको छ ।
यस अघि माथि उल्लेखित मध्ये औषधी बाहेकका पसल तथा सवारी साधानलाई बिहान ६ बजे देखी बिहान १० बजे सम्म मात्र सञ्चालनको अनुमती दिईएको थियो ।
त्यस्तै गरी समितिले हप्तामा २ दिन मात्र खुल्दै आएको बैंक बित्तिय संस्था र सहकारीको हकमा हप्ताको ३ दिन खोल्न पाईने निर्णय गरेको छ । मंगलबार र शुक्रबार खुल्दै आएका ति संस्थाहरु अब भने आईतबार पनि खुल्न पाउने भएका हुन् । तर राष्ट्रिय बाणिज्य बैंकको हकमा भने साताभरी नै खुल्न पाउने गरी निर्णय गरिएको छ । ‘अन्य बैंकको तुलनामा राबा बैंकमा अत्याधिक ग्राहक भएकोले उसलाई साता भरी नै सञ्चालनको अनुमती दिनु परेको’ जिल्ला स्तरीय कमाण्ड पोष्टका अध्यक्ष एवं प्रमुख जिल्ला अधिकारी सुरेन्द्र पौडेलले बताए ।
समितिको हिजो बसेको बैठकले छिमेकी देश भारतबाट आएर ७ सम्म क्वारेन्टीनमा बसेका सबैको आरडिटी गर्ने समेत निर्णय गरेको छ ।
स्तरीय कमाण्ड पोष्टले के के निर्णय गरयो त हेरौं
